2 Timoteo 1:7 - Tokelauan New Testament

⁷ Auā ko te Agaga kua fōki mai e te Atua ki a te ki tātou e hē ke matamumuli ai ki tātou; kae ko tona Agaga e fakatumulia ai ki tātou i te loto mālohi, te loto alofa, ma te ola pūlea.

2 Timoteo 1:7 ပူးပေါင်းရင်းမြစ်များ

Luka 10:19

Kikila, kua uma te kō fōki atua ki a te koutou te pule, ke mafai ai e koutou oi havavali i luga o nā gata ma nā akalava, ma fakatōkilalo ai te mālohi kātoa o te fili ko Hātani, ma e hēai he mea e ogohia ai koutou.

Luka 15:17

Mulimuli ake, kua toe akoakogia tona māfaufau ma vē ake ai tana kupu, ‘Ko nā tino faigāluega uma a toku tamana e lahi lele nā meakai e kakai ai, ka ko tēnei au, ka mate i te fia kaia!

Luka 24:49

Kikila, ka uga ifo e au ki outou luga tē na folafola e toku Tamana. Kae ko koutou e tatau ke fakatalitali i te kakai tēnei, ke pa ki te taimi e tuku atu ai ki a te koutou, te mana mai te lagi.”

Luka 8:35

Oi olo ai ia tagata oi kikila ki te mea na tupu, ma i te tau atuga o ki lātou ki a Iehu, na ki lātou maua atu te tamāloa na olo kehe mai ai nā tēmoni, e nofo i tafa o nā vae o Iehu, kua fai ona kofu ma kua lelei tona māfaufau; oi na mātataku uma ai ki lātou.

Ioane 14:27

“Ko te fīlēmū e tuku e au ma koutou; ko taku fīlēmū e tuku atu e au ki a te koutou. E hē kō tuku atua ki a te koutou e vē ona fai e tagata o te lalolagi. Nahe atuatuvale outou loto; nahe koutou mātataku.

Gāluega 1:8

Kae i te taimi e fanatu ai te Agaga Paia ki outou luga, ka fakatumulia koutou i te mana ma kavea ai koutou ma molimau e uiga ki a te au i loto o Ieluhalema, Iutea ma Hāmālia, ma ke pa lava ki te gataga o te lalolagi.”

Gāluega 10:38

Kua koutou iloa te tala ki a Iehu te Nahaleta, i te liligi ifoga e te Atua ki ona luga te Agaga Paia ma te mana. Na fano ki nā koga kehekehe, ma ia faia nā gāluega lelei ma fakamālōlō ki lātou nae i lalo o te pule a te Tiāpolo, ona nae fakatahi te Atua ma ia.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 21:13

Kae kua vēnei mai tana tali, “He ā te faitatagi vēnā ai koutou ma fai ai ma mea e vāivai ai toku loto? Ko au kua uma te hāuni, e hē gata ke noanoa i Ieluhalema, kae ke mate foki i kinā mo te Aliki ko Iehu.”

Gāluega 26:11

E lahi nā taimi na kō fakahalagia ai ki lātou i loto o nā hūnako, ma taumafai i ni faiga ke fakafiti ai ki lātou i to lātou talitonuga. Ko toku ita lahi ki nā tino iēnei na fano ai lava au ki nā kakai nukukehe ke fai o lātou mōliga.

Gāluega 26:25

Kae kua tali atu ia Paulo, “Tau Afioga Fehetone, ko toku māfaufau e lelei lava! Ko au e tautala hako atu lava i te meamoni.

Gāluega 6:8

Ko Hetefano ko he tino na fakamanuiagia lahi e te Atua ma nae ia te ia te mana. Na fai e ia nā vāvega uiga kehe ma nā mea ofoofogia i te mea e i ei ia tagata.

Gāluega 9:22

Kae kua ātili ai te mālohi o te faiga o te tālakiga a Haulo, ma ko te mautū o nā fakamāoniga a ia ko Iehu ko te Mehia, kua hē mau tali ai ki ei nā tino Iutaia nae nonofo i Tamaheko.

Loma 5:5

Ko te fakamoemoe tēnei e hē fakanoanoa ai ki tātou, auā kua liligi mai e te Atua tona alofa ki o tātou loto e ala i te Agaga Paia, te meaalofa a te Atua ki a te ki tātou.

Loma 8:15

Auā ko te Agaga tēia kua tuku atu e te Atua ki a te koutou, e hē ia faia koutou ma pologa, ma fai ma mea e mātataku ai koutou; kae ko te Agaga te kavea ai koutou ma fānau a te Atua, ma i te mana o te Agaga e kālalaga vē atu ai ki tātou ki te Atua, “Te Tamana, To mātou Tamana!”

1 Kolinito 2:4

ma i aku akoakoga ma te tālakiga o te fekau, nae hē kō fakaaogā ni kupu loloto i te poto fakatetagata, kae na tuku lava e au ki te Agaga o te Atua ke fakaali tona mana.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kolohe 1:8

Kua fakailoa mai e ia ki a te ki mātou e uiga ki te alofa kua maua e koutou mai te Agaga o te Atua.

Epelu 2:15

ma i te auala tēnei, kua ia fakahaolotoa ai nā tino nae pologa i o lātou ōlaga kātoa, ona ko te mātataku i te oti.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Ioane 4:18

Ko te alofa e hē mataku; ko te alofa kua kātoatoa e ia tuli kehea te mataku. Ho he tino la e mataku, e hē ia te ia te alofa e kātoatoa, auā ko te mataku ko he mea e tau ki te fakahalaga.