2 Timoteo 1:6 - Tokelauan New Testament

⁶ Ko te mea ia e fakamanatu atu ai e au ki a te koe, ke fakaolaola pea lava te meaalofa na fōki atu e te Atua ki a te koe, i te fakaeke atuga o nā lima o oku ki ō luga.

2 Timoteo 1:6 ပူးပေါင်းရင်းမြစ်များ

Luka 19:13

Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Gāluega 19:6

Na fakaeke atu nā lima o Paulo ki o lātou luga, oi afio ifo ai te Agaga Paia ki o lātou luga; na tautatala ki lātou i nā gagana kehekehe, ma folafola atu e ki lātou te fekau a te Atua.

Gāluega 6:6

Kua tuku atu ki lātou iēnei e te fakapotopotoga ki te kau apohitolo, oi tatalo ai te kau apohitolo ma fakaeke atu ki ei o lātou lima.

1 Tehalonia 5:19

Nahe koutou tāofiofia te Agaga Paia;

1 Timoteo 4:14

Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Epelu 6:2

Ma e hē tatau ke haga akoako pea e ki tātou e uiga ki nā papatihoga, te tuku o nā lima ki luga o he tino ke fakamanuia; te toe fakatutū o tagata mai te oti ma te fakamahinoga a te Atua e hēai he gataaga.

2 Petelu 1:12

Ma ka fakamanatu atu pea lava e au ki a te koutou nā mea iēnei, e ui lava kua uma te koutou iloa ma kua mautū lelei koutou i te meamoni kua ia te koutou.

2 Petelu 3:1

Te kau uho pele, ko te lua tēnei o aku tuhi e kavatu ki a te koutou. I nā tuhi e lua iēnei, e fakamanatu atu lava e au nā mea iēnei kae ke fakatupu ai ni manatu mamā ia te koutou.

Iuta 1:5

E ui lava la kua iloa e koutou nā mea uma iēnei, kae ko au e fofou ke fakamanatu atu ki a te koutou te laveakiga e te Aliki o tagata Ihalaelu mai Aikupito, kae mulimuli ake na fakaumatia e ia nā tino o ki lātou e hēki talitonu.