2 Timoteo 1:5 - Tokelauan New Testament

⁵ E manatua e au te moni o tō fakatuatua, te itūkāigā fakatuatua nae ia Loihe te mātua o tō mātua, ma Eunike tō mātua. E mautinoa e au koi tūmau lava koe i te tūlaga tēnā.

2 Timoteo 1:5 ပူးပေါင်းရင်းမြစ်များ

Ioane 1:47

I te kitea atuga e Iehu ko Natanielu e hau ki a te ia, oi lea ai vēia, “Kikila, he Ihalaelu moni tēnei; he tino e hē mafai ke pepelo!”

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 26:26

Akalipa te Tupu! E mafai au ke tautala vēnei atu ki a te koe auā kua iloa e koe nā mea iēnei. E mautinoa e au kua mātau e koe nā mea takitahi uma iēnei, auā ko te mea tēnei e hēki tupu i he mea pōuli.

Loma 14:14

Ko te māfutaga a āku ma te Aliki ko Iehu, kua kō mautinoa ai e hēai he meakai e hē mamā i nā tūlaga tau tāpuakiga; kae kāfai koe e talitonu e i ei ni meakai e hē mamā, ka hē mamā lava la mo koe.

Loma 14:5

Ko iētahi tino e manatu e i ei he aho e tāua atu i lo iētahi aho, ka ko iētahi e manatu e tutuha uma lava nā aho. E tatau koutou tau tokatahi, ke mautū outou tāofi ki nā mea kua talitonu koutou ki ei.

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

Loma 4:21

Na mautinoa lelei lava e Apelaamo e mafai e te Atua oi fakataunuku te mea kua uma te ia folafolagia.

Loma 8:38

Auā e mautinoa e au, e hēai he mea e mafai ke ia vavae kehea ki tātou mai tona alofa: e hē mafai e te oti pe ko te ola, e hē mafai e agelu pe ko iētahi mālohiaga i te lagi, e hē mafai e nā mea e i ei i te taimi nei, pe ko nā mea i te taimi koi mua,

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

2 Timoteo 1:12

ma ko te mea ia kua maua ai au i nā puapuagā. Kae ko au e hē mā, auā e iloa e au te tino e talitonu au ki ei, ma e mautinoa e au e puipui malu e ia ke pa ki te aho fakamahino, nā mea na ia tuku maia ki a te au,

2 Timoteo 3:15

ma e manatua e koe, na kē iloa mai lava nā Tuhituhiga Paia ka koi tamaiti koe, ma kua maua ai e koe te poto e uiga ki te fakaolataga e ala i te fakatuatua ki a Keliho Iehu.

Epelu 11:13

Ko te fakatuatua te na feoti ai nā tino uma iēnei. E hēki ki lātou mauagia nā mea na folafola e te Atua, kae na ki lātou kitea mamao lele atu nā mea iēnei, ma na fiafia oi fakailoa, ko ki lātou ni tino kehe e fakaaunukua i te lalolagi.

Epelu 6:9

E ui lava ko ki mātou e tuhi atu i ni kupu vēnei te kau uho pele, e mautinoa e ki mātou ka koutou filifiliagia te auala e maua ai te fakaolataga.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.