2 Tehalonia 3:4 - Tokelauan New Testament

⁴ Ma ko ki mātou e fakalagolago ki te Aliki e uiga ki a te koutou, ma e mautinoa e ki mātou e fai e koutou ma ka haga fai pea lava e koutou, nā mea e lea atu ai ki mātou.

2 Tehalonia 3:4 ပူးပေါင်းရင်းမြစ်များ

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

Loma 15:18

Ko au ka hē popoi lele ma ka tautala oioti lava ki nā mea kua fai e Keliho kui mai ia te au, ke takitaki ai ia tagata nukukehe ke uhitaki ki te Atua. Kua fai e ia te mea tēnei e ala i nā kupu ma nā gāluega fakatino,

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

1 Kolinito 14:37

Kāfai he tino e manatu ko ia ko he pelofeta, pe kua ia te ia he meaalofa fakateagaga, e tatau ke ia hāfia ko te mea e tuhi atu ai au, he fakatonuga e a te Aliki.

1 Kolinito 7:19

Pe kua pelitome he tino pe hēai, e hēai lele he mea e i ei; ko te mea e fakatāua ko te uhitaki ki nā fakatonuga a te Atua.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 2:9

Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

2 Kolinito 8:22

Ko te mea ia ka uga atu ai e ki mātou hētahi o mātou uho a kaukauna ki a te koutou; kua lahi ana mea e fai kua ki mātou mautinoa ai tona loto naunau ke fehoahoani. Nei la, kua fakaatili lele tona naunau ke fehoahoani, ona e lahi tona talitonu ki a te koutou.

Kalatia 5:10

Kae e tūmau pea lava toku talitonu ki a te koutou. Ko to tātou ōlaga i te hokotaga ma te Aliki, e mautinoa ai e au ka hē koutou taliagia ni manatu e kehe mai i oku manatu, ma ko ai lava e taumafai ke fakahehē ki a te koutou, ka fakahalagia ia e te Atua.

Filipi 1:6

E mautinoa e au ko te Atua, tē na ia kamatagia te gāluega lelei i loto ia te koutou, ka galue pea lava ke pa ki te fakaikuga i te Aho o Keliho Iehu.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

1 Tehalonia 4:10

ma e moni lava ma fakamāoni, te koutou alolofa ki te kau uho uma lele i Maketonia. Oi ko ki mātou e talohaga atu ki a te koutou o mātou uho, ke haga fakaatili pea lava te koutou alolofa.

2 Tehalonia 3:12

I te igoa o te Aliki ko Iehu Keliho e fakatonu atu ai e ki mātou nā tino vēnei ma fakamālohi atu ki ei, ke fai fakalelei o lātou ōlaga ma ke gālulue ke ola ai lava ki lātou ia lātou gāluega.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.

Filemoni 1:21

Ona ko au e talitonu ko nā mea e lea atu ai au e fai e koe, ko te mea kua tuhi atu ai au — ko te meamoni, e iloa e au ka lahi lele atu nā mea e fai e koe i lo nā mea e lea atu ai au.