2 Tehalonia 3:12 - Tokelauan New Testament

¹² I te igoa o te Aliki ko Iehu Keliho e fakatonu atu ai e ki mātou nā tino vēnei ma fakamālohi atu ki ei, ke fai fakalelei o lātou ōlaga ma ke gālulue ke ola ai lava ki lātou ia lātou gāluega.

2 Tehalonia 3:12 ပူးပေါင်းရင်းမြစ်များ

Luka 11:3

Fōki mai i nā aho takitahi, nā meakai e ola ai ki mātou.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Tehalonia 4:11

Fai ma autou hini, te ola i he ōlaga e fīlēmū ma hē piha, ke nahe tautala tauanoa ki mea a iētahi tino, e vē lava oi lea atu ai ki mātou muamua.

2 Tehalonia 3:8

E hēki talia lele e ki mātou he fehoahoani mai he tino e aunoa ma te totogi e ki mātou ki ei i he tupe. Ko ki mātou nae gālulue ma te fītatā i te ao ma te pō, kae ke nahe fakafītatā ki mātou ki a te koutou.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.