2 Tehalonia 3:1 - Tokelauan New Testament

¹ Ko nā toe mea e lea atu ai au ki a te koutou, te kau uho, koutou ke tatalo mo ki mātou, kae ke mafai te fekau a te Aliki ke fakahalalau vave ma talia fiafia e tagata, e vē lava ona talia e koutou ma te fiafia.

2 Tehalonia 3:1 ပူးပေါင်းရင်းမြစ်များ

Mataio 9:38

Tatalo la ki te Aliki e āna te helehelega, ke uga atu ni tino faigāluega ke ki lātou fakaputu maia te helehelega.”

Luka 10:2

Kua vāgana atu ia Iehu ki a te ki lātou, “E lahi te helehelega kae tokaititi nā tino faigāluega. Tatalo la ki te Aliki e āna te helehelega, ke uga atu ni tino faigāluega ke ki lātou fakaputu maia te helehelega.

Gāluega 12:24

I te taimi tēnā ko te kupu a te Atua kua halalau pea lava ma tupu olaola.

Gāluega 19:20

Ko nā mea iēnei na fai ma mea na halalalau ma tuputupu ai pea te ola o te kupu a te Aliki.

Gāluega 6:7

Ma ko te kupu a te Atua kua halalau pea lava. Kua tuputupu pea lava te nūmela o tagata kua talitonu ki a Iehu i Ieluhalema; ma e tokalahi nā ohitāulaga na ki lātou taliagia te Tala Lelei.

Loma 15:30

Ko au la e fakatagi atu ki a te koutou, oku uho, e ala i te Aliki ko Iehu Keliho ma te alofa e hau mai te Agaga: ke kau fakatahi ki tātou ma tatalo fakatauanau ki te Atua, mo au.

1 Kolinito 16:9

E i ei te avanoa tāua i kinei ke fai ai ni aku gāluega aogā, e ui lava e tokalahi nā tino e teteke mai ki a te au.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

Kolohe 4:3

Tatalo foki mo ki mātou, ke tatala mai e te Atua ki a te ki mātou he avanoa ke tālaki atu ai tana fekau ki te mealilo e uiga ki a Keliho. Auā ko te mea ia e i te falepuipui ai au i te taimi nei.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Tehalonia 1:8

Auā, e hē gata kua halalau te fekau e uiga ki te Aliki mai ia te koutou ke pa ki Maketonia ma Akaia kātoa, kae kua vēnā foki oi halalau te tala ki te lalolagi kātoa, e uiga ki te koutou fakatuatua ki te Atua. E hēai lele la he mea e tatau ke toe lea atu ai ki mātou ki a te koutou.

1 Tehalonia 2:1

Te kau uho, e iloa lelei lava e koutou ko te malaga a ki mātou na fanatu ki a te koutou na aogā.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Tehalonia 5:17

tatalo i taimi uma,

1 Tehalonia 5:25

Tatalo foki mo ki mātou, te kau uho.

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.