2 Tehalonia 2:9 - Tokelauan New Testament

⁹ Ka hau te Tino Kino ma te mālohi o Hātani ma fakatino e ia ia itūkāigā mālohiaga, fakailoga ma nā mea ofoofogia pepelo kehekehe,

2 Tehalonia 2:9 ပူးပေါင်းရင်းမြစ်များ

Mataio 12:22

Oi kaumai e ni tino ki a Iehu he tamāloa e tāuaho ma gūgū, ona e ulufia e he tēmoni. Kua fakamālōlō e Iehu te tamāloa, ma na mafai ai te tamāloa ke tautala ma kitea e ona mata.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Luka 11:25

Oi toe foki ai ma maua atu e ia te fale kua mamā ma hāuni lelei.

Ioane 4:48

Oi vāgana atu ai ki ei ia Iehu, “E hēai lele he tino o koutou e mafai ke talitonu, heiloga kua kikila muamua ki ni fakailoga ma ni mea ofoofogia.”

Ioane 8:41

E fai lava e koutou te mea na fai e te koutou tamana.” Kua tali mai ki lātou, “Ko te Atua oioti lava to mātou Tamana, ma ko ki mātou ko nā fānau moni lava a ia.”

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

Gāluega 13:10

ma lea vē atu ki ei, “Ko koe ko te ataliki o te Tiāpolo! Ko koe ko te fili o nā mea uma e lelei. Ko koe kua tumu i nā itūkāigā togafiti kino uma, ma e taumafai pea lava koe ke fakaliliu te kupu moni a te Aliki ke fai ma kupu pepelo!

2 Kolinito 11:14

Ma e hetioa, auā e pa foki lava ki a Hātani, e ia fakahehēa ia tagata ke vēakē ko ia ko he agelu huhulu pupula!

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

2 Kolinito 4:4

Ko nā tino iēnei e hē talitonu, auā kua fakapoulitia o lātou māfaufau e Hātani, te atua kino o te lalolagi. E ia tāofiofia ki lātou ke nahe ki lātou kiteagia te mālamalama e huhulu ake ki a te ki lātou, te mālamalama e hau mai te Tala Lelei e uiga ki te mamalu o Keliho, tē e vē lava ko te Atua.

Efeho 2:2

I nā aho iēnā, ko koutou nae mulimuli ki nā uiga kino o te lalolagi; ko koutou nae uhitaki ki te pule o agaga i te vānimonimo, tē e ia pūlea nā tino e hē uhitaki ki te Atua.

2 Timoteo 3:8

E vē oi teteke ia Ianehe ma Iamele ki a Mohe, e vēnā foki oi teteke nā tino iēnei ki te meamoni — nā tino kua kino nā māfaufau ma e hē moni to lātou fakatuatua ki a Keliho.

Iakopo 3:15

Ko te itūkāigā poto tēnā e hē mai te lagi, kae e mai te lalolagi. E hē ko he mea tau te agaga, kae he mea tau tēmoni.

Fakaaliga 12:17

Kua fekai lahi lele te tālako ki te fafine, ma na fano ai kua fakahaga tau ki nā lāpuna uma o te fafine, ki lātou uma kua uhitaki ki nā fakatonuga a te Atua ma tūmau i te meamoni na fakailoa mai e Iehu.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 18:23

Ka hē toe kitea lele i loto o koe te mumū o he mōlī; ka hē toe lagona nā leo o teine ma tama fakaipoipo i loto o koe. Ko nā tino fai pihinihi o koe te nae pito hili oi takutakua i te lalolagi, ma ko au mea fakataulaitu pepelo na fakahehē ai e koe ia tagata uma o te lalolagi.”

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.

Fakaaliga 9:11

E i ei to lātou tupu e pule ki a te ki lātou, ko te agelu tēnā e pule i te lua e hēai he gataga o tona loloto. Ko tona igoa i te gagana Epelu ko Apatone; i te gagana Eleni ko te igoa tēnei ko Apolione (ko tona uiga “Te tino e Fakakinoagia”)