2 Tehalonia 2:7 - Tokelauan New Testament

⁷ Ko te mālohiaga fakalilolilo o te Tino Kino kua kāmata oi galue, kae ko te mea e tuku e tutupu ka hē mafai lele ke tutupu, heiloga e kave kehe muamua e te Atua te tino e ia tāofiofiagia.

2 Tehalonia 2:7 ပူးပေါင်းရင်းမြစ်များ

Gāluega 20:29

Kua uma te kō iloa kāfai au e fano kehe, ka ōmamai nā luko fēkakai ki a te koutou, ma ka hē ki lātou fakahaoa te lafu māmoe.

2 Tehalonia 2:6

Kae e i ei te mea e hē mafai ai ke tupu he mea vēnei, ma kua koutou iloa te māfuaaga. I te taimi la kua fuafuagia, ka hula mai ai te Tino Kino.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 4:3

Kae ko ho te tino e hē ia faia he takutinoga vēnei e uiga ki a Iehu, e hē ia te ia te Agaga e hau mai te Atua. Ko te agaga e ia te ia e hau mai te Fili o Keliho; na fakalogo koutou e hau, ma i te taimi nei, kua i kinei i te lalolagi.

Fakaaliga 17:5

I tona muāulu e tuhi ai he igoa e hē iloa e iētahi tino te uiga, e vēnei: “Te kakai takutakua ko Papelona, te mātua o fafine talitāne uma, ma tē e tutupu mai ai ia āmio mātagā uma i te lalolagi.”

Fakaaliga 17:7

Kua fehili mai te agelu ki a te au, “He ā te ofo ai koe? Ka kō fakamālamalama atua la ki a te koe te uiga lilo o te fafine ma te manu fekai tēia e tiketike ai, te manu fekai e fitu ona ulu ma hefulu ona nifo hua.