2 Tehalonia 2:3 - Tokelauan New Testament

³ Nahe fakatagagia lele e koutou he tino ke ia fakahehēa koutou i ho he mea. Auā ko te Aho ka hē pa mai heiloga kua taunuku te fou a tagata ki te Atua ma hula mai te Tino Kino, tē e iku lava ki heoli.

2 Tehalonia 2:3 ပူးပေါင်းရင်းမြစ်များ

Ioane 17:12

Ka koi i ei au ma ki lātou, na puipui malu e au ki lātou i te mana o tō igoa, te igoa na kē tuku maia ki a te au. Na leoleo e au ki lātou, ma e hēki i ei he tino o ki lātou na galo, vaganā ai te tino na tonu lava e galo — kae ke taunuku ai te kupu i te tuhituhiga paia.

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

1 Ioane 2:18

Taku fānau, ko te ikuga kua pili mai! Na fakailoa atu ki a te koutou ko te Fili o Keliho e hau; kae nei e tokalahi lele nā fili o Keliho kua huhula mai, ma ko te mea ia kua iloa ai e ki tātou ko te ikuga kua pili mai.

1 Ioane 4:3

Kae ko ho te tino e hē ia faia he takutinoga vēnei e uiga ki a Iehu, e hē ia te ia te Agaga e hau mai te Atua. Ko te agaga e ia te ia e hau mai te Fili o Keliho; na fakalogo koutou e hau, ma i te taimi nei, kua i kinei i te lalolagi.

Fakaaliga 17:11

Ma ko te manu fekai nae ola muamua kae kua hē toe ola nei, ko tona valu ia o tupu ma ko tētahi ia o te toka fitu, ma e fano ki te mea e fakaumatia ai.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.