2 Tehalonia 2:12 - Tokelauan New Testament

¹² Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.

2 Tehalonia 2:12 ပူးပေါင်းရင်းမြစ်များ

Maleko 14:11

Na fiafia lele nā ohitāulaga hili i te ki lātou lagonaga o te mea kua lea ake ai ia Iuta. Na fai ai te lātou folafolaga ka ki lātou totōgia ia Iuta i ni tupe. Ma na kāmata ai loa oi tautuku e Iuta he avanoa, ke ia tukulima atua ai ia Iehu ki a te ki lātou.

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Ioane 3:36

Ko ai lava e talitonu ki te Ataliki, e ia maua te ola e fakavavau; ko ai lava e hē uhitaki ki te Ataliki, e hē ia maua te ola, kae ka tūmau i lalo o te fakahalaga a te Atua.

Loma 1:32

E ki lātou iloa te tūlāfono a te Atua e lea mai ko nā tino e ola i he ōlaga vēnei e tatau ke oti. Kae kua hē gata i te haga fai pea e ki lātou o nā mea iēnei, kae e fiafia foki kinā tino e ki lātou faia nā uiga iēnei.

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

1 Kolinito 13:6

ko te alofa e hē fiafia ki te kino, kae fiafia ki te meamoni.

1 Tehalonia 5:9

Ko ki tātou e hēki filifilia e te Atua ke pagātia i tona tōkahā, kae na ia filifilia ki tātou ke fai mo ki tātou te fakaolataga, e ala i to tātou Aliki ko Iehu Keliho,

2 Tehalonia 2:10

ma fakaaogā nā āmioga hehē uma lele ki nā tino e tuku e fakaumatiagia. Ka fakaumatia ki lātou auā e hēki ki lātou taliagia ma alolofa ki te fekau moni e uiga ki to tātou Aliki, ma mafai ai ke fakaolagia ki lātou.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.