2 Tehalonia 2:10 - Tokelauan New Testament

¹⁰ ma fakaaogā nā āmioga hehē uma lele ki nā tino e tuku e fakaumatiagia. Ka fakaumatia ki lātou auā e hēki ki lātou taliagia ma alolofa ki te fekau moni e uiga ki to tātou Aliki, ma mafai ai ke fakaolagia ki lātou.

2 Tehalonia 2:10 ပူးပေါင်းရင်းမြစ်များ

Mataio 13:11

Kua tali mai ia Iehu, “Kua uma te fakailoa atu ki a te koutou nā mealilo i te Mālō o te lagi, kae ko hēki fakailoa ki iētahi tino.

Ioane 3:17

Auā e hēki uga maia e te Atua tona Ataliki ke fakamahino ia tagata o te lalolagi, kae na uga mai ke fakaola, e ala ia te ia.

Ioane 5:34

E hē vē la e manakomia e au te molimau a he tino; kae ko au kua lea atu vēnei, kae ke fakaola ai koutou.

Loma 10:1

Oku uho, te naunau lahi ko o toku loto ke mafai oku tagata ke fakaolagia! Ko au e tatalo pea lava ki te Atua mo ki lātou.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

1 Kolinito 1:18

Auā ko te fekau e uiga ki te mate o Keliho i luga o te hātaulo, e hēai hona uiga ki a te ki lātou e tuku e fakaumatia; kae mo ki tātou e tuku e fakaolagia; ko te mana tēnā o te Atua.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

2 Kolinito 11:13

Ko nā tino iēnā e hē ni apohitolo moni — ni apohitolo pepelo, e ki lātou pelogia ia tagata e uiga ki a lātou gāluega e fai, ma taumafai ke vē ki lātou ni apohitolo moni lava e a Keliho.

2 Kolinito 11:15

Ko te mea ia, e hē he mea fou te taumafai o nā kaukauna a ia ke vē ki lātou ni kaukauna e o te āmiotonu. I te ikuga, ka maua e ki lātou te taui e tuha ai ma a lātou gāluega nae fai.

2 Kolinito 2:15

Auā ko ki mātou e vē ko he meamanogi manaia kua ofo atu e Keliho ki te Atua, e fakahalalau ki a te ki lātou e fakaolagia ma ki lātou e hē fakaolagia.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

2 Tehalonia 2:12

Ko te ikuga la, ko ki lātou uma e hē talitonu ki te fekau moni e uiga ki to tātou Aliki kae fiafia oi fai te agahala, ka fakahalagia.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

1 Timoteo 2:4

tē e fofou ko tagata uma ke fakaolagia, ma ke ki lātou iloa te meamoni.

Epelu 3:13

E tatau koutou ke fakamālohi tētahi ki tētahi i aho takitahi, kae ke nahe i ei ai he tino o koutou e fakahehēgia e te agahala ma maua ai i te loto makaka. Kāfai te kupu “Aho nei” e vē oi tākua i te tuhituhiga paia e fakaaga ki a te ki tātou, e tatau la ke fai pea lava tēnei mea e tētahi ki tētahi.

2 Petelu 2:12

Kae ko nā faiakoga pepelo iēnei, e hē muamua māfaufau oi fātoā fai e ki lātou he mea. E vē ki lātou ko nā manu tāvao, e fānanau ke tapoki ma tāmate. E fāifāi ki nā mea e hēai ho lātou mālamalama ki ei, ma ka fakaumatia ki lātou e vē ko nā manu tāvao,

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.