2 Tehalonia 1:9 - Tokelauan New Testament

⁹ Ka puapuagā ki lātou i te fakahalaga ke pa ki te fakavavau, ma kave kehea mai i te mea e i ei te Aliki ma te uiga kehe o tona mālohi,

2 Tehalonia 1:9 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 22:13

Oi lea atu ai te tupu ki nā kaukauna, ‘Noanoa ona vae ma ona lima oi togi ai ki fafo ki te pōgihā. I kinā, ka tagi ai ma katigū ona nifo.’ ”

Mataio 24:30

Ka kitea te fakailoga i te lagi, e iloa ai ko te Ataliki o te Tagata kua haele mai; ma ko tagata uma i te lalolagi ka faitatagi, ma ka ki lātou kitea atu te Ataliki o te Tagata e haele mai i luga o nā ao o te lagi, ma te mana, ma te mamalu hilihili kehe.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 25:46

Ko nā tino la iēnei, ka kave ki te fakahalaga e pa ki te fakavavau, ka ko nā tino āmiotonu ka maua e ki lātou te ola e fakavavau.”

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Mataio 7:23

Oi ka lea vē atu au ki a te ki lātou, ‘E hē kō iloa koutou. Olo kehe ma au, koutou nā tino āmio kino.’

Luka 13:27

Kae ka toe lea vē atu, ‘E hē kō iloa pe ko koutou e ōmamai i fea! Olo kehe ma au, koutou uma nā tino āmiokino!’

Ioane 5:14

Mulimuli ake, oi maua ai e Iehu te tamāloa i te Mālumalu ma vāgana atu ai ki ei, “Fakalogo lelei mai, ko koe kua mālōlō, nahe kē toe faia la te agahala, auā e i nā tupu hētahi mea ki a te koe e hili atu te kino.”

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

1 Tehalonia 5:3

Kāfai ia tagata e lea vē, “Ko mea uma kua totoka lelei ma haogalēmū,” kae nā lava e teki kua pakē he mea ma fakatāugā ai ki lātou! E fakafuaheki lele te pa mai e vē ko nā tīgā o he fafine kua fakatīgā i te taimi ka fānau ai, ma ka hēai lele he tino e hao mai ai.

2 Tehalonia 2:8

Oi ka fakailoa mai ai te Tino Kino, kae kāfai te Aliki ko Iehu e haele mai, ka ia tāmatea te Tino Kino i te mānava mai tona gutu ma fakaumatia i te pupula o tona fakatahi mai.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

2 Petelu 2:17

Ko nā tino iēnei e vē ni vaipuna kua māmaha, e vē ni ao e pūhia i he afā; kua uma te fakaavanoa e te Atua to lātou nofoaga i te mea e pito hili te loloto ma te pōgihā.

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

Iuta 1:13

E vē ki lātou ko nā galu o he tai hou, ko te takāpia o a lātou āmio mātagā, e togi ake ki te matāfaga. E vē ki lātou ko nā fetu e eva holo, ma kua uma te hāunia e te Atua he nofoaga i te lolotoga o te pōgihā, ke nonofo ai pea ki lātou ke pa ki te fakavavau.

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.