2 Tehalonia 1:6 - Tokelauan New Testament

⁶ E fai lava e te Atua te mea e tonu: ka taui e ia nā puapuagā ki nā tino na puapuagā ai koutou,

2 Tehalonia 1:6 ပူးပေါင်းရင်းမြစ်များ

Kolohe 3:25

Ma ko tagata holitūlāfono tau tokatahi uma, ka toe taui atu lava ki ei a lātou holitūlāfono, auā ka fakamahinogia e te Atua ia tagata uma, i te fua e fokotahi.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.

Fakaaliga 11:18

Kua fakatumulia ia tagata fakapaupau i te ita lahi auā kua pa ki te taimi e pa mai ai tō tōkahā, te taimi e fakamahino ai nā tino oti. Kua pa ki te taimi e tuku atu ai te taui mo au kaukauna, nā pelofeta ma nā tino uma o koe, ki lātou e mātataku ia te koe, nā tino e maualuluga nā tūlaga vēnā ma ki lātou e fakatauva. Kua pa ki te taimi e fakaumatia ai nā tino e ki lātou fakaumatiagia te lalolagi!”

Fakaaliga 15:4

Te Aliki, ko ai nei te ka hē mataku ia te koe? Ko ai nei te ka hē vīkia e ia tō igoa? Ko koe lava oioti te paia. Ko mālō uma ka ōmamai ma ifo atu ki a te koe, auā kua kitea e tagata uma te tonu o tau fakamahinoga.”

Fakaaliga 18:20

E tatau te lagi ke fiafia, auā kua fakaumatia e te Atua ia Papelona! E tatau koutou tagata o te Atua, te kau apohitolo ma te kau pelofeta ke fiafia! Auā kua fakahalagia e te Atua ia Papelona ona ko nā mea na ia faia ki a te koutou!

Fakaaliga 18:24

Ko Papelona na fakahalagia ona ko te toto o te kau pelofeta ma tagata o te Atua na maua i loto o te kakai; io, te toto o ki lātou uma kua fahiotia i te lalolagi.

Fakaaliga 19:2

E hako ma tonu tana fakamahinoga! Kua mōlia e ia te fafine talitāne takutakua na ia fakakinoa te lalolagi i ona tuinanauga mātagā ki te tino. Kua taui e te Atua ki ei, mo te toto o ana kaukauna.”

Fakaaliga 6:10

E taukalalaga leo lahi vē ki lātou, “Te Aliki Hilihilikehe e paia ma fakamāoni! Ko āfea nei te ka fakamahino ai e koe ia tagata i te lalolagi ma fakahala ki a te ki lātou, ke taui ai o mātou toto!”