2 Tehalonia 1:3 - Tokelauan New Testament

³ Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

2 Tehalonia 1:3 ပူးပေါင်းရင်းမြစ်များ

Luka 15:32

Kae kua tatau ki tātou ke kakai ma fiafia, auā ko tō uho na mate, ka kua toe ola mai; na galo, ka kua toe maua.’ ”

Luka 17:5

Kua lea atu te kau apohitolo ki te Aliki, “Fakatupu lahi ko to mātou fakatuatua.”

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

1 Kolinito 1:4

E fakafetai pea lava au ki te Atua mo koutou, ona ko tona alofa tūnoa kua maua e koutou e ala ia Keliho Iehu.

2 Kolinito 10:15

Ko ki mātou la e hē fāfifia i nā gāluega kua fai e iētahi tino i tua atu o nā tuākoi kua tuku mai e te Atua mo ki mātou. Kae ko ki mātou e fakamoemoe ka tuputupu pea te koutou fakatuatua, ma mafai ai ke fakaopoopo te tokalahi o nā tino ka aofia ia mātou gāluega i te mea e i ei koutou, i loto lava o nā tuākoi kua tuku mai e te Atua.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

Filipi 1:7

Ko koutou e i toku loto i taimi uma lava. Ma ko he mea tatau foki lava ke ia te au ni lagona vēnei e uiga ki a te koutou. Auā ko koutou uma ni hoa e o oku i te gāluega tēnei na tuku mai e te Atua ki a te au i tona alofa tūnoa, e hē gata i te taimi nei e falepuipui ai au, kae vēnā foki i nā taimi nae haoloto ai au ke fai ma molimau ki tagata ki te moni o te Tala Lelei, kae ke fakamautū ai to lātou talitonu ki ei.

Filipi 1:9

Ma ko au e tatalo ko te koutou alofa ke tuputupu pea lava, ma ke kātoatoa te koutou iloa ma te mālamalama,

1 Tehalonia 3:12

Ke fakatupu pea lava e te Aliki te alofa o tētahi ki tētahi, ma ki tagata uma, ke vē ko te lahi o to mātou alofa mo koutou.

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

1 Tehalonia 3:9

I te taimi nei, kua tatau ke hiki e ki mātou he fakafetai ki te Atua mo koutou. E fakafetai ki mātou ona ko te fiafia kua maua e ki mātou i tona fakatahi mai, ona ko koutou.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

2 Tehalonia 2:1

E vē la ki te haele mai o to tātou Aliki ko Iehu Keliho ma te fakamāopoopoga o ki tātou ke fakatahi ma ia: ko au e fakatagi atu ki a te koutou te kau uho,

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

2 Petelu 1:13

E manatu au ko he tiute e o oku, ke fakamanatu atu pea nā mea iēnei ki a te koutou ka koi ola au,

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.