2 Petelu 3:7 - Tokelauan New Testament

⁷ Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

2 Petelu 3:7 ပူးပေါင်းရင်းမြစ်များ

Mataio 10:15

E takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Hotoma ma Komolo i lo ki nā tino o te kakai tēnā!

Mataio 11:22

Kae e takutino atu e au ki a te koutou, kāfai e pa ki te Aho Fakamahino, ka hili atu te alofa o te Atua ki tagata o Tulo ma Haitonu i lo mo koutou.

Mataio 11:24

E talitonu mai koutou kāfai e pa ki te Aho Fakamahino, ka hili atu te alofa o te Atua ki a Hotoma i lo mo koutou.”

Mataio 12:36

“E takutino atu e au ki a te koutou, kāfai e fakamahino e te Atua ia tagata uma, ko te taimi tēnā ka tōlaulau ai e tagata nā kupu uma lele e hēki tatau ke tautatala ai ki lātou.

Mataio 24:35

E mou kehe atu te lagi ma te lalolagi, ka ko aku kupu e tūmau pea lava.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Maleko 6:11

Kāfai koutou e tau atu ki he kakai e hē talia ai koutou, ma mumuhu ia tagata oi fakalogo atu ki a te koutou, olo kehe ma kinā ma lūlū kehe te pefu mai outou vae. Ka fai tēnā ma fakailoga ke ki lātou iloa ai te ikuga ka pa ki lātou ki ei.”

Ioane 12:48

Ko nā tino e teteke mai ki a au ma hē ki lātou talia taku kupu, ka i ei te tino e ia fakamahinoa ki lātou. Ko nā kupu kua tautala ai au, ka kavea ma fakamahino mo ki lātou, i te aho mulimuli!

Loma 2:5

Kae ona ko tō loto e faigatā ma makaka, ka fakalahi ai lava e koe tō fakahalaga i te Aho e fakaalia ai e te Atua tona tōkahā, ma te tonu o tana fakamahinoga.

1 Kolinito 3:13

Ma ko te lelei o gāluega a tagata tau tokatahi, ka kitea i te Aho o Keliho. Auā i te Aho tēnā, ko te afi te ka iloa ai ia gāluega a tagata tau tokatahi; ko te afi te ka fuafua ai ma iloa, pe na lelei moni nā gāluega a ki tātou na fai.

Filipi 1:28

Koutou nahe mātataku i nā tino e teteke atu ki a te koutou; loto toa i taimi uma ma ka fai tēnā ma fakamāoniga ki a te ki lātou, ko ki lātou ka fakatōkilalogia ka ko koutou ka manumālō, ona ko te Atua e ia fōkiatua te manumālō ki a te koutou.

2 Tehalonia 2:3

Nahe fakatagagia lele e koutou he tino ke ia fakahehēa koutou i ho he mea. Auā ko te Aho ka hē pa mai heiloga kua taunuku te fou a tagata ki te Atua ma hula mai te Tino Kino, tē e iku lava ki heoli.

1 Timoteo 6:9

Kae ko nā tino e fofou ke lahi ni a lātou koloa, e maua ki lātou i nā fakaohoohoga ma lave i te māilei a nā tuinanauga valea e fakakino ai ki lātou, ma toho ai ki lalo ki te mea e fakatāugā ma fakaumatia ai ki lātou.

Epelu 12:29

auā ko to tātou Atua e vē he afi e fakaumatia kātoatoa ai.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

2 Petelu 3:10

Kae ko te Aho o te Aliki e hau e vē ko he tino kaihohoa. I te Aho tēnā, ka matafi kehe atu te lagi ma te tālili o he piha lahi, ka mu uma nā mea i te vāteatea ma fakaumatia, ma mou kehe atu

2 Petelu 3:12

ka koi fakatalitali koutou ki te Aho o te Atua, ma ke fai e koutou nā mea ke vave ai oi pa mai te Aho — te Aho e mu ma fakaumatia ai te lagi, ma ka liu ai ia mea uma i te lagi i te vevela.

1 Ioane 4:17

Ko te alofa kua kātoatoa te lelei i loto ia te ki tātou, kae ke ia te ki tātou ai te loto mautinoa i te Aho Fakamahino; ma ka mautinoa e ki tātou, auā ko to tātou ola i te lalolagi nei, e vē foki lava ko te mea na pa ki ei ia Keliho.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 17:11

Ma ko te manu fekai nae ola muamua kae kua hē toe ola nei, ko tona valu ia o tupu ma ko tētahi ia o te toka fitu, ma e fano ki te mea e fakaumatia ai.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.

Fakaaliga 21:1

Oi kō kitea atu ai he lagi fou ma he lalolagi fou. Ko te lagi muamua ma te lalolagi muamua kua mou kehe atu, ma kua hē toe i ei he tai.