2 Petelu 3:4 - Tokelauan New Testament

⁴ ma lea vē atu, “Na folafola e ia ko ia e toe haele mai, ni? Tēfea nei la? Kua feoti atu o tātou tupuna, kae ko nā mea uma lele e tūmau lava i te mea nae i ei ai talu te kāmataga o te lalolagi!”

2 Petelu 3:4 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 24:28

“Pe ko fea lava te i ei ai he tino oti, ka tumu atu foki ki ei nā āeto.

Mataio 24:48

Kae kāfai ko ia ko he kaukauna kino, ka lea vē ifo ki a te ia lava, ‘ko toku matai e tuai mai,’

Maleko 10:6

Kae i te kāmataga o te lalolagi, ‘Na fai e te Atua ki lāua, he tamāloa ma he fafine.’

Maleko 13:19

Auā ko nā puapuagā ka pa ki ei i nā aho iēnā, ka hili lele atu te kino i lo ni iētahi puapuagā na kua pa ki ei ia tagata, mai te taimi na fai ai e te Atua te lalolagi i te kāmataga, ke pa mai lava ki te taimi nei. Ka hē toe mafai lele foki ke toe tupu he mea vēnei.

Luka 12:45

Kae kāfai te kaukauna tēnei e lea vē ifo ki a te ia lava, ‘ko toku matai e tuai mai,’ oi kāmata ai oi kini e ia nā kaukauna tagata ma nā kaukauna fafine, ma kai ma inu ma konā.

Gāluega 7:60

Oi tōtuli ai ki lalo kae kalaga leo lahi lele, “Te Aliki! Nahe faia te mea tēnei ma agahala a ki lātou!” Na lea vēnei atu ma na oti ai loa.

1 Tehalonia 2:19

Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei?

2 Petelu 3:12

ka koi fakatalitali koutou ki te Aho o te Atua, ma ke fai e koutou nā mea ke vave ai oi pa mai te Aho — te Aho e mu ma fakaumatia ai te lagi, ma ka liu ai ia mea uma i te lagi i te vevela.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.