2 Petelu 3:2 - Tokelauan New Testament

² Ko au e fofou ke koutou manatuagia nā kupu na tautatala ai nā pelofeta paia i nā aho kua leva, ma te fakatonuga mai te Aliki ma te Fakaola na tuku atu ki a te koutou e nā apohitolo o koutou.

2 Petelu 3:2 ပူးပေါင်းရင်းမြစ်များ

Luka 1:70

Na folafola e ia e ala i ana pelofeta paia i te kāloā,

Luka 24:27

Oi fakamālamalama ai ki ei e Iehu nā mea kua tākua i nā Tuhituhiga Paia uma, e uiga ki a te ia, e kāmata mai i nā tuhi a Mohe ma nā tuhituhiga a te kau pelofeta uma.

Luka 24:44

Oi vāgana atu ai ki a te ki lātou, “Ko iēnei tonu lava nā mea nae lea atu ai au ka koi māfuta ki tātou: ko nā mea uma lele kua tūhia e uiga ki a te au i nā Tūlāfono a Mohe, nā tuhituhiga a te kau pelofeta ma nā Halamo, e tatau lava ke taunuku.”

Gāluega 10:43

Ko ia te na molimau ai te kau pelofeta uma, ko nā tino uma e talitonu ki a te ia, ka fakamāgalogia a lātou agahala, e ala i te mana o tona igoa.”

Gāluega 28:23

Oi filifili ai e ki lātou ma Paulo he aho ke feiloaki ai, ma na tokalahi lele nā tino na ōmamai i te aho tēnā, ki te mea nae nofo ai ia Paulo. Mai te taeao ke pa ki afiafipō, nae fakamālamalama lava e Paulo ki a te ki lātou tana fekau e uiga ki te Mālō o te Atua, ma nā taumafai ke ia fakamāonia ki a te ki lātou te tala e uiga ki a Iehu, e ala i nā kupu e ia hiki maia i te Tūlāfono a Mohe, ma nā tuhituhiga a te kau pelofeta.

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Gāluega 3:21

E tatau ke nofo pea ia i te lagi ke pa ki te taimi e fakafougia ai ia mea uma, e vē ona folafola e te Atua e ala i te kau pelofeta paia nae tautua mo ia i nā aho kua loa.

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

Efeho 2:20

Ko koutou foki, kua fau ake e vē he fale ki luga o te fakavae na tuku ki lalo e te kau apohitolo ma te kau pelofeta, ma ko Iehu Keliho ko te fatu tulimanu.

Efeho 3:5

I nā aho kua teka, ko te mealilo tēnei e hēki fakailoa ki tagata, kae nei kua fakaalia e te Atua e ala i tona Agaga, ki tana kau apohitolo ma tana kau pelofeta paia.

1 Timoteo 6:14

ko koe ke uhitaki ki nā fakatonuga kua kavatu mo koe, ma tauhi ki ei ma te fakamāoni, ke pa ki te Aho e toe haele mai ai to tātou Aliki ko Iehu Keliho.

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

2 Petelu 3:15

E tatau ke kikila vē koutou, ko te onohai o te Aliki ko he avanoa tēnā kua ia fōkiatua ke mafai ai koutou ke fakaolagia, e vē lava ko te tuhi atu a to mātou uho pele ki a Paulo ma na ia fakaaogā ai te poto na fōki ki ei e te Atua.

2 Petelu 3:16

Ko tēnei te mea e lea atu ai ki a te koutou i nā tuhi uma a ia e tākua ai te matākupu tēnei. E i ei nā mea e faigatā ona mālamalama ki ei i ana tuhi, ma ko nā mea iēnei e taumafai nā tino vālelea ma hē iloa he mea, ke fakauiga hehē, e vē oi fai e ki lātou ki iētahi fakamaumauga i nā Tuhituhiga Paia. Ona ko te tūlaga iēnei, ka fakatupu ai lava e ki lātou nā mea e fakaumatia ai ki lātou.

1 Ioane 4:6

Kae ko ki tātou e o te Atua. Ko nā tino e ki lātou iloa te Atua e fakalogo mai ki a te ki tātou; ko nā tino e hē o te Atua e hē fakalogo mai ki a te ki tātou. Ko te mea la tēnei e ki tātou iloa ai te kehekehega i te va o te Agaga o te meamoni ma te agaga o te meahehē.

Iuta 1:17

Kae ke koutou manatua aku uō pele, nā mea na fakailoa atu ki a te koutou e nā apohitolo a to tātou Aliki ko Iehu Keliho, i nā aho kua teka.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.