2 Petelu 3:17 - Tokelauan New Testament

¹⁷ Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

2 Petelu 3:17 ပူးပေါင်းရင်းမြစ်များ

Mataio 16:11

E vēhea ona hē mālamalama koutou ko au nae hē tautala atu ki a te koutou e uiga ki ni falaoa? Koutou ke fakaeteete lelei i te fefete a te kau Falehaio ma te kau Hatukaio.”

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Mataio 7:15

“Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Ioane 16:4

Kae kua uma toku lea atu ki a te koutou i te mea tēnei. Kāfai la e pa ki te taimi e fai ai e ki lātou nā mea iēnei, ka manatua e koutou nā mea na lea atu ai au. “E hēki kō taku atua ki a te koutou nā mea iēnei i te kāmataga, auā nae fakatahi lava au ma koutou.

Gāluega 2:42

Na fakafano to lātou taimi lahi ke akoako ai ki lātou e te kau apohitolo, ma māfuta fakatahi, kakai fakatahi, ma fai talohaga fakatahi.

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 11:3

Ko au e popole nā ia koutou e fakavaleagia, e vē ko te fakavaleaga o Eva e te gata tau fakahehē, ma takitaki kehe ai koutou mai te koutou tāpuaki ki a Keliho, i te agaga kātoatoa ma te fakamāoni.

Kalatia 5:4

Ko koutou iēnā kua taumafai ke fakalelei te koutou va ma te Atua e ala i te uhitaki ki te Tūlāfono, kua koutou momotu kehea lava koutou ma Keliho. Kua hē koutou maua te alofa tūnoa o te Atua.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Kolohe 2:5

Auā e ui lava ko au e hē i kinā ma koutou, kae ko toku agaga e i ei fakatahi ma koutou, ma ko au te fiafia i toku kikila atu ki te mau o tautou tutū fakatahi, i te fakatuatua ki a Keliho.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

2 Timoteo 4:15

Koe la ke fakaeteete i te tagata tēnei, auā e teteke lahi lele ki te fekau e ki tātou tālakia.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

1 Petelu 5:9

Ke mautū te koutou fakatuatua ma teteke ki ei, auā e koutou iloa ko nā uho Kelihiano o koutou i te lalolagi kātoa, e maua foki i nā puapuagā e vē ko koutou.

2 Petelu 2:7

Na fakaola e ia ia Lota, he tamāloa āmiotonu nae fakanoanoa lahi lele, ona ko tuinanauga mātagā o tagata holi tūlāfono.

2 Petelu 3:1

Te kau uho pele, ko te lua tēnei o aku tuhi e kavatu ki a te koutou. I nā tuhi e lua iēnei, e fakamanatu atu lava e au nā mea iēnei kae ke fakatupu ai ni manatu mamā ia te koutou.

Fakaaliga 2:5

Māfaufau ki te lahi o te agahala kua pakukū koutou ki ei. Liliu kehe loa lava mai autou agahala, ma fai nā mea nae koutou faia muamua. Kāfai koutou e hē liliu kehe mai autou agahala, ko au ka fanatu oi kave kehe te tugāmōlī a koutou mai te mea e tū ai.