2 Petelu 3:10 - Tokelauan New Testament

¹⁰ Kae ko te Aho o te Aliki e hau e vē ko he tino kaihohoa. I te Aho tēnā, ka matafi kehe atu te lagi ma te tālili o he piha lahi, ka mu uma nā mea i te vāteatea ma fakaumatia, ma mou kehe atu

2 Petelu 3:10 ပူးပေါင်းရင်းမြစ်များ

Mataio 24:35

E mou kehe atu te lagi ma te lalolagi, ka ko aku kupu e tūmau pea lava.

Maleko 13:31

E mou kehe atu te lagi ma te lalolagi, ka ko aku kupu e tūmau pea lava.

Luka 12:39

Ma e mautinoa lelei lava ka na he mea na iloa e te tino e o ia te fale te taimi e hau ai te tino kaihohoa, e hē ia tukua he avanoa ke kaihohoa ai tona fale.

Loma 8:20

Auā na fai lava e te Atua kae ke nahe i ei he aogā o nā mea na ia gaohia, e hē vē ona na fofou ki lātou ki ei, kae ona ko te mea lava ia na fofou ia ki ei. Na ia faia te mea tēnei ona ko tona fakamoemoe

1 Kolinito 1:8

Ka tauhia pea lava koutou e ia ke pa ki te ikuga, kae ke nahe i ei lele he mea e hehē ai koutou, i te Aho o to tātou Aliki ko Iehu Keliho.

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

1 Tehalonia 5:2

Auā kua iloa lelei lava e koutou, ko te Aho o te Aliki ka hau e vē he tino kaihohoa i te pō.

1 Tehalonia 5:4

Kae ko koutou, te kau uho, e hē i loto o te pōuliuli, ma e hē tatau ai ke pa fakafuaheki atu te Aho ki a te koutou, e vē he tino kaihohoa.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

2 Petelu 3:12

ka koi fakatalitali koutou ki te Aho o te Atua, ma ke fai e koutou nā mea ke vave ai oi pa mai te Aho — te Aho e mu ma fakaumatia ai te lagi, ma ka liu ai ia mea uma i te lagi i te vevela.

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”

Fakaaliga 20:11

Oi kō kitea atu ai he nofoāliki lahi lele e lanu paepae ma he tino e nofo ai. Kua mou kehe atu te lagi ma te lalolagi i te mea e i ei ia, ma e hēki toe kitea lele.

Fakaaliga 21:1

Oi kō kitea atu ai he lagi fou ma he lalolagi fou. Ko te lagi muamua ma te lalolagi muamua kua mou kehe atu, ma kua hē toe i ei he tai.

Fakaaliga 3:3

Ke manatua la nā mea na akoako atu ai koutou, ma nā mea na fakalogo koutou ki ei; uhitaki ki ei ma liliu kehe mai autou agahala. Kāfai koutou ka hē āla ki luga, ko au ka fanatu ki a te koutou e vē he tino kaihohoa, ma ka hē koutou iloa te taimi e fanatu ai au.

Fakaaliga 6:14

Kua mou kehe atu te lagi e vē he tuhitākai e fefetu, ma ko nā mauga uma ma nā motu, kua fakagaoi kehe mai o lātou tūlaga.