2 Petelu 2:3 - Tokelauan New Testament

³ Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

2 Petelu 2:3 ပူးပေါင်းရင်းမြစ်များ

Luka 18:8

E lea atu au ki a te koutou, ka vave lele oi fehoahoani te Atua ki a te ki lātou. Kae kāfai te Ataliki o te Tagata e hau, e i na ia maua nei he tino fakatuatua i te lalolagi?”

Luka 20:20

Oi tau hakilikili ai loa e ki lātou he avanoa ke puke ai e ki lātou ia Iehu. Kua totogi e ki lātou ni tamāloa ke faia ni fehili fakatagāfai ki a Iehu, kae ke puke ai e ki lātou ma tukulima atu ki te pule a te Kōvana Loma.

Luka 22:47

Ka koi tautala atu ia Iehu kae pa mai he kaifenua, e takitaki mai e Iuta, tētahi o te kau hoko e toka hefululua. Kua hau ki tafa o Iehu ke hogi ia ki ei.

Ioane 2:16

ma fakatonu ai e ia nā tino fakatau lupe, kua lea vē atu ki ei, “Kave kehe ki fafo nā mea iēnei! Nahe toe koutou faia te fale o toku Tamana, ma māketi fakatau koloa.”

Loma 16:18

Auā ko nā tino e faia nā mea iēnā, e hē gālulue mo Keliho to tātou Aliki, kae mo ki lātou lava. Ko a lātou kupu gali ma fakafāfia tino, e fakahehē ai nā loto o nā tino e hē lava to lātou iloa.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

1 Tehalonia 2:5

E iloa lelei lava e koutou ko ki mātou e hēki oatu ma ni tala ke fakafāfifia ai koutou, ma e hēki ki mātou fakaaogāgia foki ni fakakupuga kae ke vēake ai koutou ko a mātou gāluega e lelei — ko te Atua ko ta mātou molimau!

1 Tehalonia 5:3

Kāfai ia tagata e lea vē, “Ko mea uma kua totoka lelei ma haogalēmū,” kae nā lava e teki kua pakē he mea ma fakatāugā ai ki lātou! E fakafuaheki lele te pa mai e vē ko nā tīgā o he fafine kua fakatīgā i te taimi ka fānau ai, ma ka hēai lele he tino e hao mai ai.

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 3:8

Ko nā tiākono e tatau foki ni tino e āmio lelei ma e fakamāoni; e hē fiafia inu lahi ki te uaina pe mānumanu ki te tupe;

1 Timoteo 6:5

ma te tauaikupu o nā tino kua hē lelei nā māfaufau, ma kua hē toe ia te ki lātou te meamoni. Ko nā tino iēnei e vēakē ko nā mea tau tāpuakiga e maua ai ni koloa e lahi.

Tito 1:11

Ko nā tino iēnei e tatau ke tāofi, auā ko a lātou mea e fai kae ke maua ai ni a lātou tupe, ma e fakalotovāivai lele ki nā kau kāiga kātoa ona e fai e ki lātou nā akoakoga e hē tatau ke ki lātou faia.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

1 Petelu 2:8

E lea mai foki tētahi tuhituhiga paia, “Ko te fatu tēnei ka tū inoino ai ia tagata, te papa ka hīhīga ki lātou ki luga.” Na tū inoino ki lātou auā e hēki talitonu ki lātou ki te kupu, ma ko fuafuaga lava a te Atua ke vēnei te mea e pa ki lātou ki ei.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.

2 Petelu 2:1

Nae i ei foki nā pelofeta pepelo fakatahi ma tagata o te Atua i nā aho kua teka, ma ka vēnā foki ona i ei nā faiakoga pepelo fakatahi ma koutou. Ka ki lātou kaumaia ni fakamatalaga tau fakakino ma te pepelo, ma hē ki lātou taliagia te Matai na ia totōgia to lātou haolotoga, ma ka fakaumatia vave ai lava ki lātou.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

Iuta 1:11

Kai te fakaalofa lele o ki lātou auā kua mulimuli ki te auala na kui ai ia Kaino. Kua fakatakitaki ki te mea hehē a Palaama na fai, kae ke lahi ai ni a lātou tupe e maua. Kua fakatuikehe ki lātou e vē ko te fakatuikehe o Kola, ma e fakaumatia ki lātou e te Atua, vē foki lava ko te mea na pa ki a Kola.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”

Iuta 1:16

Ko nā tino iēnei e mālohi te taumūimui ma e taku hehē pea lava e ki lātou iētahi tino; e mulimuli ki o lātou lava tuinanauga; e gugutu ma fakavikiviki e ki lātou iētahi tino kae ke mafai ai ke hao a lātou mea e fai.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.