2 Petelu 2:21 - Tokelauan New Testament

²¹ Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

2 Petelu 2:21 ပူးပေါင်းရင်းမြစ်များ

Mataio 21:32

Auā na hau ia Ioane te Papatiho ki a te koutou ma fakahino atu te ala tonu ke havavali ai, kae e hēki mafai koutou ke talitonu ki a te ia; kae na talitonu nā aolāfoga ma fafine talitāne. Na kitea foki lava e koutou te mea tēnei, kae e hēki toe hui ai outou māfaufau mulimuli, ma talitonu ki a Ioane.”

Luka 12:47

“Ko te kaukauna kua ia iloa te mea e fofou ki ei tona matai, kae hē nofo hāuni ki ei, pe ia fakatinoagia te finagalo o tona matai, ka kini lahi lele.

Ioane 15:22

Kana hē hau au oi folafola atu te fekau ki a te ki lātou, e vēnei ake e hēki agahala ki lātou; kae i te taimi nei, kua hē toe i ei he mea ke fakapeku ki ei, mai a lātou agahala.

Ioane 9:41

Kua tali atu ia Iehu, “Moinei ake koutou e tāuaho, ko koutou e hē fakahalagia; kae ona ko koutou e lea ko koutou e hē tāuaho, ko tona uiga koi nofo hala pea lava koutou.”

Loma 7:12

Ko te mea ia, ko te Tūlāfono lava ia e paia, ma ko nā fakatonuga a te Atua e paia, ma hako, ma lelei.

Kalatia 6:2

Fakatau fehoahoani tētahi ki tētahi i nā mea e fītatā ai koutou, ma e kitea i te faiga tēnei ko koutou ka uhitaki ki te tūlāfono a Keliho.

1 Tehalonia 4:2

Auā kua iloa e koutou nā fakahinoga na tuku atu e ki mātou ki a te koutou e ala i te igoa o te Aliki ko Iehu.

1 Timoteo 6:14

ko koe ke uhitaki ki nā fakatonuga kua kavatu mo koe, ma tauhi ki ei ma te fakamāoni, ke pa ki te Aho e toe haele mai ai to tātou Aliki ko Iehu Keliho.

Epelu 10:26

Auā kāfai e fai pea lava e ki tātou te agahala ma te mautinoa ka kua uma ai te fakailoa mai o te meamoni ki a te ki tātou, kua hē toe i ei la hētahi tāulaga ke kave kehea ai nā agahala.

Iakopo 4:17

Ko te mea ia, kāfai kua iloa e ki tātou te mea e tatau ke fai kae hē ki tātou faia, ko ki tātou la kua agahala.

2 Petelu 3:2

Ko au e fofou ke koutou manatuagia nā kupu na tautatala ai nā pelofeta paia i nā aho kua leva, ma te fakatonuga mai te Aliki ma te Fakaola na tuku atu ki a te koutou e nā apohitolo o koutou.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.