2 Petelu 2:2 - Tokelauan New Testament

² E ui i tēia, e tokalahi nā tino Kelihiano ka mulimuli ki o lātou lava tuinanauga mātagā; ma e ona ko nā mea e fai e ki lātou, ka fāifāi ai iētahi tino ki te Auala o te meamoni.

2 Petelu 2:2 ပူးပေါင်းရင်းမြစ်များ

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 24:24

Auā ka ōmamai nā Keliho pepelo ma nā pelofeta pepelo; ka ki lātou faia ni vāvega uiga kehe ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Mataio 7:14

Kae ko te faitotoka ki te ola e vāiti, ma te auala e tau ki ei e faigatā, e tokaititi foki nā tino e ki lātou maua.

Maleko 12:14

Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Maleko 13:22

Auā ka ōmamai nā Keliho pepelo ma nā pelofeta pepelo. Ka ki lātou faia ni vāvega ma ni mea ofoofogia ke fakahehē ai ia tagata, ke pa lava ki tagata kua filifilia e te Atua, pe kāfai e mafai.

Ioane 14:6

Oi tali mai ai ia Iehu ki ei, “Ko au ko te ala ma te meamoni ma te ola; e hēai he tino e fano ki te Tamana, vaganā e kui mai ia te au.

Gāluega 13:10

ma lea vē atu ki ei, “Ko koe ko te ataliki o te Tiāpolo! Ko koe ko te fili o nā mea uma e lelei. Ko koe kua tumu i nā itūkāigā togafiti kino uma, ma e taumafai pea lava koe ke fakaliliu te kupu moni a te Aliki ke fai ma kupu pepelo!

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Gāluega 16:17

Nae taumulimuli ki a Paulo ma ki mātou ma taufōlua vē, “Ko nā tino iēnei ni kaukauna e a te Atua Hilihilikehe! E fakailoa atu e ki lātou te auala e mafai ai koutou ke fakaolagia.”

Gāluega 18:26

Na kāmata loa oi tautala atu ia Apolo ma te hē mataku i loto o te hūnako. I te lagonaga e Pihila ma Akula te tautalaga a Apolo, oi kave ai e ki lāua ki to lā fale ma fakamālamalama hako ki ei e uiga te Ala o te Atua.

Gāluega 19:9

Kae ko iētahi o ki lātou kua loto makaka ma hē fia talitonu, ma faikupu fakatafafai i mua o tagata, e uiga ki te Ala o te Aliki. Oi na tuku ai loa e Paulo ki lātou, kae kua fano ma kave nā tino kua talitonu, ma ko aho uma lava nae fai ana fakatalatalanoaga i te potu e fai ai nā akoakoga a Tulano.

Gāluega 22:4

Ko au nae fakahāuā lahi ki nā tino na mulimuli ki te Ala, ma na feoti ai lava ni tino o ki lātou. Na puke e au nā taulelea vēnā ma fafine ma togi ki te falepuipui.

Gāluega 24:14

Kae ko au e io atu ki a te koe i te mea tēnei: Ko au e tāpuaki ki te Atua o nā tupuna o ki mātou, e ala i toku mulimuli ki te Ala o te Aliki, tēia e lea ki lātou e hehē. Ko au foki e talitonu ki nā mea uma e tūhia i te Tūlāfono a Mohe, vēnā ma nā tuhi a te kau pelofeta.

Loma 2:24

Auā e vē oi tūhia i te tuhituhiga paia, “Ona ko koutou tagata Iutaia, kua fāifāi ai ia tagata nukukehe ki te Atua.”

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

Tito 2:5

ke ola pūlea ma mamā, ma ke kavea ma āvaga lelei i te kikilaga o te kāiga ma uhitaki ki a lātou tāne, kae ke nahe takukinoa ai te fekau e hau mai te Atua.

Tito 2:8

Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

2 Petelu 2:12

Kae ko nā faiakoga pepelo iēnei, e hē muamua māfaufau oi fātoā fai e ki lātou he mea. E vē ki lātou ko nā manu tāvao, e fānanau ke tapoki ma tāmate. E fāifāi ki nā mea e hēai ho lātou mālamalama ki ei, ma ka fakaumatia ki lātou e vē ko nā manu tāvao,

2 Petelu 2:15

Kua olo kehe ki lātou mai te auala hako ma kua hē ki lātou iloa to lātou auala; kua mulimuli ki lātou i te auala na kui ai ia Palaama te ataliki o Poholo, tē nae fiafia ki nā tupe nae totogi ai ia e ni tino mo ana mea pikopiko nae fai,

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

2 Petelu 2:21

Na hili lele atu ai kana he mea e hēki ki lātou iloa te auala o te āmiotonu, i lo te iloa kae toe liliu kehe mai nā fakatonuga paia na tuku ake ki a te ki lātou.

2 Petelu 2:7

Na fakaola e ia ia Lota, he tamāloa āmiotonu nae fakanoanoa lahi lele, ona ko tuinanauga mātagā o tagata holi tūlāfono.

Iuta 1:10

Kae ko nā tino iēnei, e fai kupu fakakino ki ho he mea lava e hē mālamalama ai ki lātou; ma ko nā mea iēnei e ki lātou iloa mai o lātou lagona lilo e vē ko manu vaefa tāvao, e fakaumatia ai foki lava ki lātou.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Iuta 1:7

E manatua e koutou ia Hotoma ma Komolo ma nā kakai nae pili ki ei? Nae vē foki lava nā mea nae fai e nā agelu iēnei. Nae fai e ki lātou nā uiga mātagā ma tuinanauga ki te tino e hē tuha ai ma te natula; kua pakia ki lātou i te fakahalagia i te afi e hē mate lele, ke fakamanatu ai ki tagata uma, ke nahe ki lātou faia nā uiga iēnei.

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 13:14

Ma na ia fakahehēa ia tagata uma e nonofo i te lalolagi i nā fakailoga na fakataga ke fai e ia i mua o te manu fekai muamua. Na fakatonu ki lātou e te manu fekai ke fau he fakatuha o te manu fekai tēia na manuka i te pelu, kae na ola lava.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.