2 Petelu 2:13 - Tokelauan New Testament

¹³ ma ka toe tauia lava ki lātou i nā puapuagā mo nā puapuagā na ki lātou fakatupuagia. He fiafiaga e o ki lātou te fai pātī i te ao teatea; te fakamā ma te fakatakuvalea kāfai e kakai fakatahi ma koutou, ma e fiafia pea lava oi fai o lātou uiga tau fakahehē.

2 Petelu 2:13 ပူးပေါင်းရင်းမြစ်များ

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Efeho 5:27

kae ke ia tukulima atu ai te Ekalehia ki a te ia lava, i tona gali kātoatoa — e mamā ma hēai he hehē, e hēai he ila pe he mafenu, pe ko hētahi lava mea e hē kātoatoa te lelei.

Filipi 3:19

Ko te ikuga o nā tino iēnei e fakaumatiagia, auā kua atua ki lātou ki o lātou manakoga fakatetino. E fāfifia i nā mea e tatau ke māhiahi ai, ma e māfaufau oioti lava ki nā mea o te lalolagi.

2 Timoteo 4:14

Ko au na pagātia lele i faiga a Alehana te tino fai ukamea; ka taui lava e te Aliki ki ei ana mea na fai.

Iakopo 5:5

Ko te ōlaga o koutou i te lalolagi nei, kua tumu i nā mea lelei taugatā ma fiafiaga o te ōlaga. Kua koutou fakapepetia lava koutou mo te aho e tafahi ai.

1 Petelu 4:4

Ko tagata fakapaupau i te taimi nei, e ofo auā ko koutou kua hē toe ola i he ōlaga hē taupulea e vē ko ki lātou, ma ko te mea ia kua fai ai e ki lātou nā tala tau fakakino ki a te koutou.

2 Petelu 2:15

Kua olo kehe ki lātou mai te auala hako ma kua hē ki lātou iloa to lātou auala; kua mulimuli ki lātou i te auala na kui ai ia Palaama te ataliki o Poholo, tē nae fiafia ki nā tupe nae totogi ai ia e ni tino mo ana mea pikopiko nae fai,

Fakaaliga 18:6

Ke toe fai lava ki a te ia nā mea nae ia faia; ma ke taui fakalua ki ei mo nā mea uma a ia kua fai. Fakatumu tana ipu i te uaina e fakaluaina tona mālohi i lo te uaina kua ia hāunia mo koutou.