2 Petelu 1:8 - Tokelauan New Testament

⁸ Ko nā uiga lelei iēnei e manakomia e koutou, ma kāfai e tuputupu pea lava nā mea iēnei ia te koutou, ka mafai ai koutou ke tuahā ma fakaatili ai te koutou mālamalama e uiga ki to tātou Aliki ko Iehu Keliho.

2 Petelu 1:8 ပူးပေါင်းရင်းမြစ်များ

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 20:3

Na toe fano ki te māketi i te iva i te taeao, oi toe kitea ai foki e ia iētahi tino e tutū tauanoa e hēai ni a lātou mea e fai,

Mataio 20:6

Kua tāli ta te lima oi toe fano ai foki ki te māketi, ma na ia kitea ai iētahi tino koi tutū lava i kinā. Oi lea vē atu ai ki ei, ‘He ā te tutū tauanoa ai koutou i kinei i te aho kātoa e hēai ni mea e faia?’

Mataio 25:26

“Kua lea atu tona matai ki ei, ‘Ko koe he kaukauna kino ma te paiē. Oi e kē iloa ni e kō taua nā fua o nā lākau fatoaga i te mea e hēki kō totōa ai ni fatu lākau, ma kō helehelea te mea e hēki kō lūlūagia?

Ioane 15:2

Ko nā lālā uma ia te au e hē fua mai ai ni fua, e tipi kehe e ia, kae ko nā lālā e fua mai ai ni fua, e teuteu fakamamā e ia, ke ātili fua mai ai ni fua e lahi.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Ioane 5:42

Kae e iloa e au te itūkāigā tino e i ei koutou, ma e iloa e au e hē i outou loto, he alofa ki te Atua.

Loma 12:11

Koutou nahe fakavāivai lele, kae ke mumū koutou e vē he mōlī i te Agaga, ma tautua ki te Aliki ma te loto kātoa.

1 Kolinito 15:58

Ko te mea la ia, te kau uho pele, ke mau autou tutū ma ke nahe māluelue. Gālulue pea i autou gāluega mo te Aliki, auā tēnā kua koutou iloa e hēai he mea e koutou faia e tautua ai ki te gāluega a te Aliki, e hēai hona aogā.

2 Kolinito 13:5

Kikila ifo koutou ki a te koutou lava ma hukehuke ifo pe koi tūmau te koutou fakatuatua. E moni nei lava e hē koutou iloa ko Keliho Iehu e i ei fakatahi ma koutou — vaganā ai la pe kāfai kua matuā pakū lava koutou i te hukega.

2 Kolinito 8:2

Nae āfāina ki lātou i nā fakafītāuli, kae ko te lahi o to lātou fiafia na fakaatili ai to lātou limafoaki, e ui lava e mātitiva lahi lele.

2 Kolinito 8:7

Kua tamaokāiga koutou i mea uma: i te fakatuatua, i te folafola, i te iloa ma te loto naunau ke fehoahoani, ma i te koutou alolofa mai ki a te ki mātou. Ma ko ki mātou foki la e fofou ko koutou ke lima fōaki i te gāluega lelei kua feagai ma koutou.

2 Kolinito 9:14

Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

Filipi 1:9

Ma ko au e tatalo ko te koutou alofa ke tuputupu pea lava, ma ke kātoatoa te koutou iloa ma te mālamalama,

Filipi 2:5

Ke vē outou manatu ko nā manatu nae ia Keliho Iehu:

Filipi 3:8

E hē nā ko nā mea iēnā oioti. Ia te au, e hēai lele he mea e hili atu te tāua i lo te iloa e au o Keliho Iehu toku Aliki. Kua tīaki e au nā mea uma lele, auā ia te au, ni otaota uma nā mea iēnā. Oioti lava te mea e fofou au ke kō maua ko Keliho,

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

Kolohe 2:7

Ke mau ma loloto nā aka o koutou ia te ia, ati ake outou ōlaga i luga o ia, ma ke tuputupu te mālohi o te koutou fakatuatua, e vē oi akoako atu ai koutou. Ma ke fakatūtumugia koutou i te loto fakafetai.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

1 Tehalonia 3:12

Ke fakatupu pea lava e te Aliki te alofa o tētahi ki tētahi, ma ki tagata uma, ke vē ko te lahi o to mātou alofa mo koutou.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

Filemoni 1:6

Ko taku tatalo ko te fakatahiga a ki mātou ma koutou iēnā kua talitonu, ka maua ai he mālamalamaga lelei e uiga ki nā fakamanuiaga takitahi uma kua ki tātou mauagia, i te māfutaga ma Keliho.

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

2 Petelu 1:2

Ke ia te koutou te kātoaga o te alofa tūnoa ma te fīlēmū e ala i te koutou iloa o te Atua ma Iehu to tātou Aliki.

2 Petelu 1:3

Ko te mana o te Atua kua maua ai e ki tātou nā mea uma e manakomia e ki tātou ke ola ai ki tātou i he ōlaga e fiafia ki ei te Atua, e ala i to tātou mālamalama i tē kua ia kalagagia ki tātou ke i ei fakatahi ma ia i tona lava mamalu ma te lelei kātoatoa.

2 Petelu 2:20

Kāfai nā tino iēnei kua hao mai nā uiga kino o te lalolagi ona kua ki lātou iloa to tātou Aliki Fakaola ko Iehu Keliho, kae toe popoki ma fakatōkilalogia e nā mea iēnei, e hili atu la te kino o te tūlaga e i ei ki lātou i te fakaikuga, nai lo te mea nae i ei ai i te kāmataga.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.