2 Petelu 1:6 - Tokelauan New Testament

⁶ ki te mālamalama o koutou e uiga ki te mea e fiafia ki ei te Atua, fakaopoopo ki ei te loto pūlea; ki te loto pūlea, fakaopoopo ki ei te onohai; ki te onohai, fakaopoopo ki ei te mataku i te Atua;

2 Petelu 1:6 ပူးပေါင်းရင်းမြစ်များ

Luka 21:19

Ko te koutou onohai, ka maua ai e koutou te ola moni.

Luka 8:15

Ka ko nā fatu haito na lūlū ki luga o te kelekele lelei, e fakatuha ki nā tino e ki lātou lagona te kupu ma tāofi mau ki ei ma te fakamāoni ma te loto lelei, ma onohai pea lava ke pa ki te taimi e fua mai ai.

Gāluega 24:25

Ka koi tautala ia Paulo e uiga ki te āmiotonu, te loto pūlea, ma te aho e fakamahino ai e te Atua ia tagata uma, ka ko Felika kua mataku ma lea vēia, “Fano loa nei oi kua toe fekau atu ai koe e au kāfai e maua hoku avanoa.”

Loma 15:4

Ko nā mea uma kua tūhia i nā Tuhituhiga Paia, na tūhia ke akoako ai ki tātou, kae ke maua ai e ki tātou te fakamoemoe, e ala i te onohai ma te fakamālohi, e ki tātou maua mai i nā Tuhituhiga Paia.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 8:25

Kae kāfai ki tātou e fakamoemoe ki he mea e hē ki tātou kitea, ko ki tātou e fakatalitali ki ei ma te onohai.

1 Kolinito 9:25

Ko nā tino fētutuli tau tokatahi uma, e koleni fakamāoni ma e pūlea i mea uma, kae ke fakapale ki lātou i te pale e fano e pala. Kae e fai e ki mātou ke maua ai e ki mātou te pale e hē pala ke pa ki te fakavavau.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

Kalatia 5:23

te loto maulalo, ma te loto pūlea. E hēai he tūlāfono e teteke ki nā mea vēnei.

Kolohe 1:11

Koutou ke fakamākekeke i te mālohi kātoatoa mai tona mana, kae ke mafai ai e koutou oi talia nā mea uma ma te onohai. Ma i te agaga fiafia, hiki ake te fakafetai ki te Tamana, tē kua ia hāuniagia koutou ke maua he koutou vāega o te tofi kua uma te fakailoga e te Atua mo ona tagata, i te mālō o te mālamalama.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

2 Tehalonia 1:4

Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.

2 Tehalonia 3:5

Ke takitaki e te Aliki outou loto ke ātili mālamalama ai koutou e uiga ki te alofa o te Atua ma e uiga ki te onohai o Keliho.

1 Timoteo 2:10

kae teteu ia lātou gāluega lelei e vē oi tatau ke fai e fafine, kua ia te ki lātou te fakatuatua faka-Kelihiano.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

1 Timoteo 6:3

Ko ai lava e ia akoakoa he talitonuga e kehe mai i nā kupu moni a to tātou Aliki ko Iehu Keliho ma nā akoakoga a te tātou talitonuga faka-Kelihiano,

1 Timoteo 6:6

Io, ko nā mea tau tāpuakiga e maua ai e he tino nā koloa e lahi, pe kāfai e ia taliagia ma te fiafia nā mea a ia kua maua.

2 Timoteo 3:5

ka tāofi mau ki lātou ki nā auala e fakatino ai te tātou talitonuga, kae e hē talitonu ki te mana o te talitonuga.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Tito 1:8

Kae ke loto alofa ki nā tino kehe, ma fiafia oi fai nā mea lelei. E tatau ko he tino e pūlea tona loto, e fai mea tonu, e āmio paia, ma e lava te onohai.

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

Epelu 10:36

E tatau koutou ke onohai, kae ke fai ai e koutou te finagalo o te Atua, ma maua ai e koutou nā mea kua uma te folafola e ia.

Epelu 12:1

Ko te mea ia, ona ko ki tātou e hikomia e he kaifenua tokalahi o tagata e fai ma molimau, tuku kehe la nā mea uma e fai ma fakalavelave ki a te ki tātou, ma te agahala e pipiki mau mai ki a te ki tātou. Kae tātou fētutuli ma te onohai i te tūkuga ei mua nei o ki tātou,

Epelu 6:12

Ko ki mātou e hē fofou ko koutou ke nonofo tauanoa. Kae ko ki mātou e fofou ko koutou ke vē ko nā tino kua talitonu ma e onohai, ma mauagia nā mea kua uma te folafola e te Atua.

Epelu 6:15

Ko Apelaamo nae onohai, ma na maua e ia nā mea na folafola e te Atua.

2 Petelu 1:3

Ko te mana o te Atua kua maua ai e ki tātou nā mea uma e manakomia e ki tātou ke ola ai ki tātou i he ōlaga e fiafia ki ei te Atua, e ala i to tātou mālamalama i tē kua ia kalagagia ki tātou ke i ei fakatahi ma ia i tona lava mamalu ma te lelei kātoatoa.

2 Petelu 3:11

Ona ko nā mea uma iēnei ka fakaumatia i te auala tēnei, he ā nei la te itūkāigā tagata e tatau ke i ei koutou? Ko nā ola o koutou e tatau ke fakapaiagia ma ofo atu kātoa mo te Atua,

Fakaaliga 1:9

Ko au ko Ioane, he uho ki a te koutou, ma ko he hoko e o Iehu. Ko au he hoa e o koutou, ma e talia ma te onohai e ki tātou nā puapuagā e maua ai nā tino e o ki lātou te Mālō. Ko au na kave ki te motu ko Patamo ona nae kō folafolagia te kupu a te Atua ma te meamoni na fakaalia e Iehu.

Fakaaliga 13:10

Ko ai lava e tatau ke haihaitia, ka haihaitia lava; ko ai lava e tatau ke tāmate i te pelu, ka tāmate lava i te pelu. Ona ko te mea tēnei, e tatau ai ia tagata o te Atua ke tūmau i te onohai ma te fakatuatua.”

Fakaaliga 14:12

Ona ko te mea tēnei, e tatau ai ia tagata o te Atua ke tūmau i te onohai ma te fakatuatua, nā tino e uhitaki ki nā fakatonuga a te Atua ma e talitonu ki a Iehu.

Fakaaliga 2:2

E iloa e au nā mea a koutou kua fai; e iloa e au ko koutou e gālulue mālohi ma te onohai. E iloa e au e hē koutou talia lele nā tino kino, ma e hukehuke e koutou nā tino e lea ko ki lātou ni apohitolo kae e hē ni apohitolo, ma kua maua e koutou o lātou talapepelo.