2 Petelu 1:21 - Tokelauan New Testament

²¹ Auā e hēai he fekau na fakailoa mai e nā pelofeta, na kaumai ona ko he loto o he tino, kae na kaumai e ni tino ei lalo o te pule a te Agaga Paia, i nā taimi e ki lātou fakailoa ai te fekau mai te Atua.

2 Petelu 1:21 ပူးပေါင်းရင်းမြစ်များ

Maleko 12:36

Ko Tavita lava ia na fakaohofia e te Agaga Paia ke lea vē: ‘Ko te Aliki te Atua na vāgana ki toku Aliki: Nofo i toku itū taumatau, ke pa ki te taimi e tuku ai e au nā fili o koe ki lalo o nā vae o koe.’

Luka 1:70

Na folafola e ia e ala i ana pelofeta paia i te kāloā,

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Gāluega 28:25

Oi na fekehekeheaki ai lava ki lātou ma tākape ai lava, ka kua uma ai te lea vē atu o Paulo i te mea tēnei e fokotahi: “Kai te hako lele o te vāgana a te Agaga Paia ki nā tupuna o koutou, na kui mai i te pelofeta ko Ihaia!

Gāluega 3:18

Na folafola e te Atua i nā aho kua leva e ala i te kau pelofeta uma, ko tana Mehia e tatau ke maua i nā puapuagā; ma na ia fakataunukuagia tēnei vāloaga i te auala tēnei.

Epelu 10:15

Ma kua fakamāonia foki e te Agaga Paia ki a te ki tātou. Muamua e lea vē,

Epelu 3:7

Ko te mea ia, e vē oi lea ai te Agaga Paia: “Kāfai e lagona e koutou te leo o te Atua i te aho nei,

Epelu 9:8

E fakailoa manino mai e te Agaga Paia e ala i nā fakatūlagaga iēnei, ko te auala ki loto o te Nofoaga e Hili te Paia, ko hēki mafai ke tatala auā te Falekie pito ki fafo koi tū lava.

1 Petelu 1:11

Na taumafai ke ki lātou iloa pe ko āfea te taimi, ma pe hau vēhea foki. Ko tēnei te taimi na fakailoa ki ei e te Agaga o Keliho nae ia te ki lātou, i te vāloaga e uiga ki nā puapuagā ka feagai ma Keliho ma te tūlaga fiafia lahi e pa ki ei mulimuli.

Fakaaliga 19:10

Na fakapakū ifo au ki lalo ki tafa o ona vae ke ifo ki ei, kae kua lea vē mai ki a te au, “Nahe kē faia te mea tēnā! Ko au ko he hoa kaukauna e vē foki ko koe ma iētahi uho e pipiki pea lava ki te molimau a Iehu na fai. Ifo atu ki te Atua!” Auā ko te molimau a Iehu te na mafai ai e tagata oi folafola atu te fekau a te Atua.