2 Petelu 1:16 - Tokelauan New Testament

¹⁶ Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.

2 Petelu 1:16 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 17:1

Kua teka atu nā aho e ono, oi kave ai e Iehu ia Petelu ma te kau uho ko Iakopo ma Ioane kua olo ki luga o he mauga maualuga nā ko ki lātou.

Mataio 24:27

Auā e vē ona napa te uila ma māinafia haukatoa ai te lagi mai hahae ki hihifo, ka vēnā foki lava kāfai te Ataliki o te Tagata e hau.

Mataio 24:3

E nofo ia Iehu i luga o te Mauga o Ōlive, kae ōmai ki a te ia nā hoko o ia nā ko ki lātou, ma fehili vē atu ki a te ia, “Taku mai ake ki a te ki mātou pe ko āfea te ka fakataunuku ai te mea tēnei, ma pe he ā foki he fakailoga ke iloa ai e ki mātou te taimi e haele mai ai koe, ma te taimi e uma ai te ōlaga tēnei?”

Mataio 28:18

Kua hōhō atu ia Iehu ki o lātou tafa, oi vāgana atu ai ki ei, “Ko te pule kātoa i te lagi ma te lalolagi, kua tuku mai ki a te au.

Maleko 13:26

Ma ka kitea atu te Ataliki o te Tagata e haele mai i nā ao, ma te mana, ma te mamalu hilihili kehe.

Maleko 14:62

“Io, ko au,” kua tali mai ia Iehu, “ma ka koutou kitea te Ataliki o te Tagata e nofo i te itū taumatau o te Hilihilikehe, ma e hau ma nā ao o te lagi!”

Luka 1:2

Na tūhia e ki lātou nā mea na fakailoa mai ki a te ki mātou e nā tino nae i ei i te kāmataga ma nae ki lātou folafolagia te fekau.

Luka 9:43

Na ofo lele ia tagata uma, ki te uiga kehe o te mana o te Atua. Ka koi lagona pea lava e nā tino te ofo ki nā mea uma na fai e Iehu, kae kua vāgana atu ia Iehu ki ona hoko,

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 17:2

Auā na kē tukua ki ei te pule ke pule ai i tagata uma, kae ke ia mafaia ai oi fōki atu te ola fakavavau, ki a te ki lātou uma na kē filifilia ke mulimuli ki a te ia.

1 Kolinito 1:17

E hēki uga maia au e Keliho ke papatiho. Na uga mai au e ia ke folafola te Tala Lelei, ma ke folafola e aunoa ma te fakaaogāgia o te gagana a te poto fakatetagata, kae ke mautinoa ai ko te mate o Keliho i luga o te hātaulo, e hē mafai ke uma tona mālohi.

1 Kolinito 1:23

Kae ko ki mātou, e ki mātou tālakia ko Keliho na fakahātaulo. He fekau tēnei e feita ki ei ia tagata Iutaia ma lea ia tagata nukukehe e valea;

1 Kolinito 1:7

ma e hēki i ei lele he meaalofa fakateagaga e fokotahi ko hēki koutou maua, ka koi fakatalitali koutou ke fakailoa mai e te Atua to tātou Aliki ko Iehu Keliho.

1 Kolinito 2:1

Oku uho, i toku fanatuga ki a te koutou ke folafola atu te meamoni lilo a te Atua, e hēki kō fakaaogāgia ni kupu loloa pe he mālamalama lahi.

1 Kolinito 2:4

ma i aku akoakoga ma te tālakiga o te fekau, nae hē kō fakaaogā ni kupu loloto i te poto fakatetagata, kae na tuku lava e au ki te Agaga o te Atua ke fakaali tona mana.

1 Kolinito 5:4

e vē lava au e i kinā fakatahi ma koutou. Kāfai koutou e maopoopo, ma i ei ai ma toku agaga fakatahi ma te mana o to tātou Aliki ko Iehu,

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Filipi 3:21

Ka hui e ia o tātou tino e pala ke vē ko tona tino mamalu, ma ko tona mana e ia mafaia ai oi tuku ia mea uma ki lalo o tana pule.

1 Tehalonia 2:19

Auā he ā nei ho mātou fakamoemoe pe he fiafia pe he manumālō ke fāfifia ai ki mātou kāfai to tātou Aliki ko Iehu e haele mai? E hē ko koutou nei?

2 Tehalonia 2:9

Ka hau te Tino Kino ma te mālohi o Hātani ma fakatino e ia ia itūkāigā mālohiaga, fakailoga ma nā mea ofoofogia pepelo kehekehe,

1 Timoteo 1:4

Fakatonu ki ei ke tīaki a lātou tala fāgogo mai te vavau, ma nā gafa loloa o nā tupuna o ki lātou. Ko nā mea iēnā e tutupu ai nā fīnauga, ma e hē fehoahoani ki te fakatinoga o fuafuaga a te Atua, iēia e fātoā iloa oi oti kāfai te tino e talitonu ki a Keliho.

1 Timoteo 4:7

Kae tau mamao ma nā tala fāgogo mai anamua, auā e hē paia ma hēai he aogā. Tokaga oi koleni ke maua e koe he ōlaga e fiafia ki ei te Atua.

Tito 1:14

ma hē toe tauhihi ai ki a lātou talakakai Iutaia mai te vavau, ma nā fakatonuga fakatetagata mai nā tino kua teteke ki te meamoni.

2 Petelu 2:3

Ko to lātou manako lahi ki nā tupe, ka fakatōhina ai koutou e ki lātou i nā kupu pepelo. Mai te kāloā ke pa mai nei, ko tē e fakamahinoa ki lātou kua nofo hāuni, ma ko tē e fakaumatiagia ki lātou e hē moe lele!

1 Ioane 4:14

Ma kua ki tātou kiteagia ma ki tātou takutinoa ki iētahi tino, ko te Tamana te na ia uga mai tona Ataliki ke kavea ma Fakaola o te lalolagi.

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.