2 Petelu 1:1 - Tokelauan New Testament

¹ Mai ia Himona Petelu, he kaukauna ma he apohitolo e a Iehu Keliho — Ki nā tino kua fōki ki ei he fakatuatua tāua e vē foki lava ko ki mātou, e ala i te āmiotonu o to tātou Atua ma to tātou Fakaola ko Iehu Keliho:

2 Petelu 1:1 ပူးပေါင်းရင်းမြစ်များ

Mataio 10:2

Ko nā igoa iēnei o nā apohitolo e toka hefululua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio;

Mataio 4:18

E havali atu ia Iehu i tafa o te Vaitūloto ko Kalilaia kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, e togi to lā kupega i te vai; auā ko ki lāua ni tino faifaiva.

Luka 1:47

e fiafia foki toku agaga ona ko te Atua toku Fakaola,

Luka 11:49

Ko te mea foki ia na vāgana vē ai te Poto o te Atua, ‘Ka kō uga atua ki a te ki lātou nā pelofeta ma nā kavefekau; ka ki lātou tāmatea iētahi o ki lātou, ma hāuāgia iētahi.’

Ioane 1:42

Oi kave ai e ia ia Himona ki a Iehu. Kua kikila atu ia Iehu ki a Himona, oi vāgana atu ai ki ei, “Ko tō igoa ko Himona te ataliki o Ioane, kae ko koe ka fakaigoa ki a Kepa.” (Ko he kupu i te gagana Alamaika e tutuha ma te igoa Petelu i te gagana Eleni, ko tona uiga “papa.”)

Ioane 12:26

Ko ai lava he tino e fia kaukauna mai ki a te au, e tatau ke mulimuli mai ki a te au, ma ko te mea e i ei au, ka i ei ai foki taku kaukauna. Ko ai lava e kaukauna mai ki a te au, ka vīkia ia e toku Tamana.

Ioane 20:21

Kua toe vāgana atu ia Iehu ki a te ki lātou, “Ke ia te koutou te fīlēmū. E vē ona uga mai au e te Tamana ki te lalolagi, e vēnā foki ona uga atu koutou e au ki te lalolagi.”

Gāluega 15:14

Na fātoā uma atu nei lava te fakamālamalama e Himona, pe na vēhea ona muamua āhiāhi te Atua ki tagata nukukehe, ma ia kave kehea mai ia te ki lātou, ni tino ke fai ma ona tagata.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 1:12

Ko te uiga o taku lea atu, ke mafai ki tātou ke fakamālohi tētahi ki tētahi, e ala i to tātou fakatuatua.

Loma 1:17

Auā e fakaalia i te Tala Lelei te auala e fakalelei ai e te Atua te va o tagata ma ia: e fakalelei i te fakatuatua ma e nā ko te fakatuatua oioti lava. E vē oi lea mai te tuhituhiga paia, “Ko te tino e fakalelei te va o ia ma te Atua e ala i te fakatuatua, ka ola ia.”

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 15:9

Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

1 Kolinito 9:1

E hē ia te au nei te haolotoga? E hē ko au nei he apohitolo? E hēki kō kitea nei ia Iehu to tātou Aliki? E hē ko koutou nei kua vēnā ona ko taku gāluega mo te Aliki?

2 Kolinito 4:13

I te tuhituhiga paia, na lea vē he tino, “Ko au na tautala ona ko au kua talitonu.” I te agaga foki lava tēnā e tahi, kua tautatala ai ki mātou ona ko ki mātou e talitonu.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 2:8

Auā ko te mana o te Atua te na kavea ai au ma apohitolo mo tagata nukukehe, e vē foki lava ona kavea ia Petelu ma apohitolo mo tagata Iutaia.

Efeho 3:5

I nā aho kua teka, ko te mealilo tēnei e hēki fakailoa ki tagata, kae nei kua fakaalia e te Atua e ala i tona Agaga, ki tana kau apohitolo ma tana kau pelofeta paia.

Efeho 4:11

Ko ia te na ia “fōkia nā meaalofa ki tagata”; na ia tōfiagia iētahi ke kavea ma apohitolo, ko iētahi ma pelofeta, ko iētahi ma tino tālaki, ko iētahi ma faifekau ma iētahi ma faiakoga.

Efeho 4:5

E tahi te Aliki, tahi te talitonuga, tahi te papatihoga;

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

Filipi 1:29

Auā kua fōki atu ki a te koutou te avanoa fakapitoa ke kaukauna ai koutou ki a Keliho, e hē gata ona ko koutou e talitonu pea lava ki a te ia, kae ona foki ko koutou e maua pea lava i nā puapuagā ona ko ia.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

2 Timoteo 1:5

E manatua e au te moni o tō fakatuatua, te itūkāigā fakatuatua nae ia Loihe te mātua o tō mātua, ma Eunike tō mātua. E mautinoa e au koi tūmau lava koe i te tūlaga tēnā.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Tito 2:13

ka koi fakatalitali ki tātou ki te Aho fiafia tēia e amanaki ki tātou ki ei, ke fakaalia ai te mamalu o to tātou Atua hilihili ma te Fakaola ko Iehu Keliho

Iakopo 1:1

Mai ia Iakopo, he kaukauna e a te Atua ma e a te Aliki ko Iehu Keliho: E fakatālofa atu ki nā puikāiga e hefululua e takape i te lalolagi kātoa.

1 Petelu 1:1

Mai ia Petelu, he apohitolo e a Iehu Keliho — Ki nā tino kua filifilia e te Atua, e nonofo e vē ni tagata kua fakaaunukua ma e takape i nā kogāfenua o Ponitoho, Kalatia, Kapatokia, Ahia ma Pitunia.

1 Petelu 1:7

Ko nā mea iēnei e fakamāonia ai pe moni te koutou fakatuatua. E pa foki lava ki te aulo, he mea e mafai ke fakakino, e iloa tonu tona lelei i te tuku ki te afi. E vēnā foki lava te koutou fakatuatua, he mea e hili atu te tāua i lo te aulo, ma e tatau foki ke iloa tona moni, kae ke mafai ai ke tūmau pea lava. Oi ka maua ai e koutou he vīkiga mai te Atua, ma kavea koutou ma tagata lauiloa ma te mamalu, i te Aho e haele mai ai ia Iehu Keliho.

1 Petelu 2:7

Ko te fatu tēnei e tāua lahi lele mo koutou kua talitonu, kae mo ki lātou e hē talitonu: “Ko te fatu na tīaki e nā faufale e hē aogā na iku ake ko te fatu ia e pito hili ona tāua.”

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

2 Petelu 1:4

E ala i nā mea uma iēnei, kua ia fōki maia ai ki a te ki tātou nā meaalofa tāua lahi na ia folafola maia, kae ke fai tēnā ma auala ke hao ai koutou mai nā tuinanauga kino o te lalolagi e fakatāugā ai ia tagata, ma mafai ai koutou ke kavea ma tagata e faia te finagalo o te Atua.

Iuta 1:1

Mai ia Iuta, he kaukauna e a Iehu Keliho, ma ko he uho e o Iakopo — Ki nā tino kua filifilia e te Atua, ma e ola i te alofa o te Atua te Tamana ma te puipuiga a Iehu Keliho: