2 Kolinito 9:7 - Tokelauan New Testament

⁷ E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

2 Kolinito 9:7 ပူးပေါင်းရင်းမြစ်များ

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Loma 12:8

kāfai ko te fakamālohi ki iētahi tino, e tatau ke fai te mea tēnā e ki tātou. Kāfai e fōki ni a tātou mea mo iētahi tino, e tatau ke fōki ke lava ma totoe; kāfai e ia te ki tātou te pule, e tatau ki tātou ke gālulue ma te mālohi; kāfai ki tātou e agalelei ki iētahi tino, e tatau ke fai ma te fiafia.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

Filemoni 1:14

Kae ko au e hē fofou ke fakamālohia koe ke fehoahoani mai ki a te au; kae e lelei lava te fai e koe i tō loto malie. Ko te mea ia ka hē kō faia lele ai he mea, vaganā e malie koe ki ei.

Iakopo 5:9

Te kau uho, nahe mūimui tētahi ki tētahi, kae ke nahe fakamahinoa ai koutou e te Atua. Kikila, ko te fakamahino kua tū i te faitotoka, kua hāuni ka hau.

1 Petelu 4:9

Talia iētahi tino ki loto o nā fale o koutou e aunoa ma he mūimui.