2 Kolinito 9:5 - Tokelauan New Testament

⁵ Ko te mea ia na manatu ai au, e tatau ke fakamālohi ki nā hoa a kaukauna iēnei ke muamua atu ki lātou ia te au, ke ao fakato e ki lātou te meaalofa tupe e vē ona folafola e koutou. E pa atu la au kua uma te ao, ma ka kitea ai i kinā, ko te koutou fōaki, na fai ma te loto malie kae hē ona ko koutou na fakamālohia ke fai.

2 Kolinito 9:5 ပူးပေါင်းရင်းမြစ်များ

1 Kolinito 16:2

I nā Aho Hā takitahi uma, e tatau ke tuku kehe e koutou tau tokatahi he tupe, e fua lava ki te tupe a te tino e maua, ma fakaputu, kae ke nahe toe tau aoa ai ni tupe kāfai au e pa atu.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

2 Kolinito 9:3

Kua kō uga atua la nā hoa a kaukauna iēnei, kae ke nahe kavea ai o mātou fāfifia nae fai e uiga ki a te koutou, e vē ni tala tauanoa e hēai he uiga. Kae e vē lava ona lea ai au, ko koutou kua uma te hāuni ke fehoahoani.

2 Kolinito 9:6

Ke manatua e koutou, ko te tino e taigole ana fatu e totō, ka vēnā foki oi taigole na fua e ia helehelea; ka ko te tino e lahi ana fatu e totō, ka vēnā foki oi lahi na fua e ia helehelea.

Filipi 4:17

E hē vē ko au e fofou oioti lava ke kō maua ni meaalofa; kae ko au e fofou ke tuputupu pea lava ia fua o autou gāluega.