2 Kolinito 9:3 - Tokelauan New Testament

³ Kua kō uga atua la nā hoa a kaukauna iēnei, kae ke nahe kavea ai o mātou fāfifia nae fai e uiga ki a te koutou, e vē ni tala tauanoa e hēai he uiga. Kae e vē lava ona lea ai au, ko koutou kua uma te hāuni ke fehoahoani.

2 Kolinito 9:3 ပူးပေါင်းရင်းမြစ်များ

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

2 Kolinito 7:4

Ko au e talitonu kātoatoa ki a te koutou; e lahi toku fāfia ona ko koutou. E ui i te lahi o nā fakafītāuli e feagai ma ki mātou, ko au e loto tele pea lava; ko au e fakatumulia i te fiafia.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Tito 3:1

Fakamanatu ki nā tino ke talia e ki lātou te pule a aliki ma nā taupulega, ke uhitaki ki ei ma ke nonofo hāuni ke fai ho he gāluega lelei.