2 Kolinito 9:14 - Tokelauan New Testament

¹⁴ Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

2 Kolinito 9:14 ပူးပေါင်းရင်းမြစ်များ

Luka 16:9

Oi toe vāgana atu ai ia Iehu, “Ko au la e lea atu ki a te koutou: Fai ni uō mā koutou e ala i nā koloa e maua i ni auala hē hako, kae kāfai la e uma te lātou aogā, ka talia koutou ki loto o te nofoaga e nonofo tūmau ai ke pa ki te fakavavau.

Loma 1:11

Auā ko au e fofou lahi lele ke feiloaki ma koutou, kae ke mafai ai oi maua fakatahi e ki tātou he fakamanuiaga fakateagaga, ke mālolohi ātili ai koutou.

2 Kolinito 1:11

E tatau foki koutou ke fehoahoani mai ki a te ki māua e ala i autou tatalo, kae ke tokalahi ia tagata e fakafetai mo ki māua mo nā fakamanuiaga kua maua e ki māua, ona ko nā tatalo iēnei e lahi.

2 Kolinito 8:1

Te kau uho, ko ki mātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.

2 Kolinito 9:13

Ona kua fakamāoniagia tautou gālulue tautua, toutou lima fōaki ma te koutou fakamāoni i te folafolaga o te Tala Lelei ki a Keliho, ka vīkia ai te Atua e te tokalahi o tagata.

2 Kolinito 9:15

Tātou fakafetai ki te Atua ona ko tana meaalofa tāua lahi.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 2:26

Kua fia fanatu lele ke feiloaki ma koutou uma, ma e popole lele ona kua koutou iloa ko ia nae tauale.

Filipi 4:1

Ko te mea ia te kau uho, ko koutou e pele ia te au ma ko au te manatu atu ki a te koutou! Kua koutou faia nā mea e fiafia lahi ma fāfia ai au. Ko te mea ia te kau uho pele, ke vēnā foki lava ona mautū te koutou talitonu ki te Aliki.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.