2 Kolinito 8:8 - Tokelauan New Testament

⁸ Ko koutou e hē kō fakatonua. Kae e fia kō iloa pe moni te koutou alofa, kāfai e fakatuhatuha ki te naunau lahi o iētahi tino ke fehoahoani.

2 Kolinito 8:8 ပူးပေါင်းရင်းမြစ်များ

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

1 Kolinito 7:12

Mo iētahi tino, ko au (ko au kae hē ko te Aliki) e lea atu vēnei: kāfai he tamāloa Kelihiano e nonofo ma he fafine e hē he Kelihiano kae kua malie te fafine ke nonofo pea ki lāua, e hē tatau ke ia tatalagia te lā fakaipoipoga.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Kolinito 7:6

E hē ko he fakatonuga tēnei, kae ko he fakatagaga mai ia te au ke fai ai te mea tēnei e koutou pe kāfai ko te mea ia e fofou koutou ki ei.

2 Kolinito 6:6

Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

2 Kolinito 8:10

I toku manatu, e hili te fakauma e koutou i te taimi nei, te mea na kāmata e koutou i te tauhaga kua teka. Ko koutou te na muamua, e hē gata i te fakatinoga o te gāluega, kae vēnā foki i te koutou loto naunau ke fai loa.

2 Kolinito 8:24

Alolofa la ki ei, kae ke mautinoa ai ma iloa e nā Ekalehia, e hako lava o mātou fāfifia nae fai ake ki a te ki lātou e uiga ki a te koutou.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 9:7

E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

Efeho 4:15

Kae ko ki tātou e tatau ke tautatala i te meamoni ma te agaga alofa o tētahi ki tētahi. Ko Keliho ko te ulu o te Ekalehia, e tatau ai la ki tātou ke tuputupu ake ke vē ko ia i ho he itū.

Efeho 6:24

Ke ia te koutou uma e alolofa pea lava ki to tātou Aliki ko Iehu Keliho, te alofa tūnoa o to tātou Atua.

Epelu 10:24

Tātou tau fakamālohi tētahi ki tētahi, ke tupu ai te alofa ma ke fai ai ni gāluega lelei.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.