2 Kolinito 8:7 - Tokelauan New Testament

⁷ Kua tamaokāiga koutou i mea uma: i te fakatuatua, i te folafola, i te iloa ma te loto naunau ke fehoahoani, ma i te koutou alolofa mai ki a te ki mātou. Ma ko ki mātou foki la e fofou ko koutou ke lima fōaki i te gāluega lelei kua feagai ma koutou.

2 Kolinito 8:7 ပူးပေါင်းရင်းမြစ်များ

Mataio 25:22

“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’

Loma 15:14

Oku uho, e mautinoa e au ko koutou e tumu i te lelei, kua ia te koutou te mālamalama, ma kua koutou mafaia oi akoako tētahi ki tētahi.

1 Kolinito 1:5

Auā ko te māfutaga a koutou ma Keliho kua maua ai e koutou te tamaokāiga i ho he mea, e aofia ai nā kupu e tautatala ai koutou ma te mālamalama lautele.

1 Kolinito 12:13

E vēnā foki la ki tātou uma, pe ko ki tātou ni tagata Iutaia pe ni tagata nukukehe, pe ni pologa pe ni tagata haoloto, ko ki tātou uma kua papatiho e te Agaga e fokotahi ki loto o te tino e fokotahi, ma kua tuku e te Atua te Agaga tēnei e fokotahi ki loto o nā loto o ki tātou uma lele.

1 Kolinito 12:8

E fōki e te Agaga ki tētahi tino te iloa ke tautala ai i te poto, kae ki tētahi tino e fōki ki ei e te Agaga lava e fokotahi te iloa ke tautala ai i te atamai.

1 Kolinito 13:2

Kāfai e ia te au te mana e folafola ai te fekau mai te Atua; kāfai au e mālamalama i nā mealilo uma ma te poto; kāfai e ia te au te fakatuatua e mafai ai ke fakagaoi ia mauga — kae e hē ia te au te alofa, e hēai hoku aogā.

1 Kolinito 13:8

Ko te alofa e fakavavau. E i ei te mana e folafola ai te fekau mai te Atua, kae e hē tūmau; e i ei te mana e tautatala ai i nā gagana kehekehe, kae e fano e uma; e i ei te mālamalama, kae e fano e mavae.

1 Kolinito 14:12

Ona ko koutou e naunau ke koutou maua nā meaalofa mai te Agaga, e tatau ai koutou ke taumafai ke fakaaogā lahi atu nā meaalofa e fehoahoani ki te atiakega o te Ekalehia.

1 Kolinito 4:7

Na hei faia nei koutou ke hili atu i lo iētahi tino? E hēki fōkiatua nei e te Atua nā mea uma ki a te koutou? He ā la te fāfifia tauanoa ai koutou, e vē lele ko nā mea ia te koutou, e hē ni meaalofa?

2 Kolinito 7:7

E hē nā ko te hau o Tito te na ala ai to mātou fiafia, kae na vēnā foki to mātou fiafia i tana līpoti ko koutou nae fakamālohi ake ki a te ia. Na taku mai e ia e uiga ki te koutou naunau lahi ke feiloaki ma au, te koutou halamō ki te mea na tupu, te koutou naunau ke lagolago mai ki a te au; ko te mea ia kua hili atu ai toku fiafia i te taimi nei.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

2 Kolinito 9:14

Ma e alolofa atu lele ki lātou ma tatalo mo koutou, ona ko te hilihilikehe o te alofa tūnoa o te Atua kua fakaalia e ala ia te koutou.

2 Kolinito 9:8

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

Efeho 4:29

Nahe fakaaogā e koe ni kupu e ogohia ai hētahi tino, kae tautala i nā kupu e mafai ke fehoahoani ke ati ake ma maua ai ni fehoahoaniga, kae ke aogā ai autou kupu ki nā tino uma e fakalogo ki ei.

Filipi 1:11

Ka fakatumulia outou ōlaga i nā uiga e lelei kātoatoa e ala ia Iehu Keliho, kae ke ifo ma viviki ake ai ia tagata ki te Atua.

Filipi 1:9

Ma ko au e tatalo ko te koutou alofa ke tuputupu pea lava, ma ke kātoatoa te koutou iloa ma te mālamalama,

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

2 Timoteo 2:1

Ko koe la toku ataliki, ke fakamākeke e ala i te alofa tūnoa kua maua e ki tātou i te māfutaga ma Keliho Iehu,

Epelu 12:28

Ko ki tātou la e tatau ke fakafetai, auā e maua e ki tātou he mālō e hē mafai ke lūlūgia. Tātou fakafetai ma tāpuaki ki te Atua i he auala e fiafia ai ia, ma e mamalu lahi ma i ei te mataku;

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

2 Petelu 3:18

Kae ke tupu olaola pea koutou i te alofa tūnoa ma te mālamalama mai to tātou Aliki ma to tātou Fakaola ko Iehu Keliho. Ke ia te ia nā vīkiga, nei ma ke pa lava ki te fakavavau! Amene.

Fakaaliga 3:17

E lea koutou, ‘Ko au e maukoloa ma tūtūlelei; kua hē toe i ei he mea e fofou au ki ei.’ Kae e hē koutou iloa te kino lele ma te fakaalofa o koutou! Ko koutou e mātitiva, e hē lavalavā ma e tāuaho.