2 Kolinito 8:4 - Tokelauan New Testament

⁴ na fakatagi mai ai ma te loto naunau, mo he avanoa ke mafai ai ki lātou ke fehoahoani ki tagata o te Atua i Iutea.

2 Kolinito 8:4 ပူးပေါင်းရင်းမြစ်များ

Mataio 10:42

Ko ai lava e ia tuku atua, e tuha lava pe he ipu vai malūlū, ki hētahi o oku hoko iēnei e hili te fakatauva ona ko he hoko e ōku, e takutino atu e au ki a te koutou, ka maua lava e ia tona taui.”

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Maleko 14:7

Ka i ei pea lava nā tino mātitiva ma koutou, ma mafai ke fehoahoani koutou ki ei i ho he taimi; kae ka hē i ei pea lava au ma koutou.

Gāluega 11:29

Na tonu i te kau hoko, ko he ā lava he mea e maua e ki lātou tau tokatahi uma, ke kave ke fehoahoani ki te kau uho Kelihiano e nonofo i Iutea.

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

Loma 15:31

Tatalo ke puipui malu au mai nā tino hē talitonu i Iutea ma ke talia taku galue tautua i Ieluhalema e tagata o te Atua.

1 Kolinito 16:1

E vē la ki te mea na tuhi mai ai koutou ki he tupe ke hakili ke fehoahoani ki tagata o te Atua i Iutea: e tatau ke koutou faia te mea na fakatonu e au ki nā Ekalehia i Kalatia ke fai.

1 Kolinito 16:15

E iloa e koutou ia Hetefana ma tona kāiga; ko ki lātou nā tino muamua na liliu ma Kelihiano i Akaia, ma kua ofo atu ki lātou ke tautua ki tagata o te Atua. Ko au e fakamālohi atu ki a te koutou te kau uho,

2 Kolinito 9:1

E hē tatau au ke tuhi atu e uiga ki te koutou fōaki kua kave mo tagata o te Atua i Iutea.

Kalatia 2:10

Oioti lava te mea na lea mai ai, ke manatua ake pea nā tino mātitiva i te lātou vāega, ma ko te mea foki lava tēnei nae fofou au ke kō faia.

Kalatia 6:10

Ko te mea ia, i taimi uma e maua ai e ki tātou he avanoa, e tatau ke fai e ki tātou nā mea lelei ki ho he tino, kae maihe lava ki lātou i loto o te tātou kāiga Kelihiano.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

Epelu 6:10

Ko te Atua e fai meatonu. E hē mafai ke puli ia te ia autou gāluega nae fai, pe ko te koutou alolofa ki a te ia e ala i te koutou fehoahoani ki iētahi uho Kelihiano ke pa mai lava ki te taimi nei.