2 Kolinito 8:23 - Tokelauan New Testament

²³ E vē la ki a Tito, ko he hoa e ōku ma e gālulue fakatahi ki māua ke tautua atu ki a te koutou. Ko iētahi hoa a kaukauna, ni kavefekau e a nā Ekalehia, auā lava he vīkiga mo Keliho.

2 Kolinito 8:23 ပူးပေါင်းရင်းမြစ်များ

Luka 5:10

Na vēnā foki nā hoa o ia nae i tētahi vaka, ia Iakopo ma Ioane nā ataliki o Hepetaio. Oi lea atu ai ia Iehu ki a Himona, “Koe nahe mataku; e kāmata atu nei, ko koe ka fāgota ke maua e koe ni tino, kae hē ni ika.”

Luka 5:7

Oi tālo ai ki o lātou hoa i tētahi vaka, ke ōmamai oi fehoahoani ake ki a te ki lātou. Kua ōmamai o lātou hoa, oi uta ai e ki lātou nā vaka i te ika ma kua tau gōgoto.

Ioane 13:16

E lea atu au ki a te koutou i te meamoni: e hē hili atu nā pologa i lo to lātou matai, ma e hē hili atu nā kavefekau i lo te tino na ia uga atua ki lātou.

1 Kolinito 11:7

Ko te tamāloa e hē tatau ke tatao tona ulu, ona ko ia te kitea ai ia fōliga ma te mamalu o te Atua. Kae ko te fafine e kitea ai te mamalu o te tamāloa;

2 Kolinito 12:18

Na tauanau e au ia Tito ke fanatu, ma uga atu ai fakatahi ma tētahi uho o ki mātou. Na fakavalea nei koutou e Tito? Nae hē tutuha nei la o ma loto, ma nā mea nae fai e ki māua?

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

2 Kolinito 8:18

Kua ki mātou uga atua fakatahi ma Tito, te uho a kaukauna, kua lauiloa i nā Ekalehia uma, i tana gāluega ko te folafolaga o te Tala Lelei.

2 Kolinito 8:19

E hē gata i tēnā, kua filifilia foki ia e nā Ekalehia ke faimalaga fakatahi ma ki mātou, i te fakataunukuga o tēnei gāluega tāua, auā he vīkiga mo te Aliki, ma ke kitea ai foki to mātou agaga fia fehoahoani.

2 Kolinito 8:22

Ko te mea ia ka uga atu ai e ki mātou hētahi o mātou uho a kaukauna ki a te koutou; kua lahi ana mea e fai kua ki mātou mautinoa ai tona loto naunau ke fehoahoani. Nei la, kua fakaatili lele tona naunau ke fehoahoani, ona e lahi tona talitonu ki a te koutou.

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Filipi 2:25

Kua manatu au e tatau ke uga atu ki a te koutou to tātou uho ki a Epafolotito, toku hoa i te gāluega ma nae tau fakatahi ma au, ma ko tautou kavefekau e fehoahoani mai ki a te au.

Filipi 4:3

Ma ko koe foki toku hoa moni, ko au e fofou ko koe ke fehoahoani ki nā fafine iēnei; auā nae gālulue mālohi ki lāua fakatahi ma au i te tālakiga o te Tala Lelei, fakatahi ma Kelemete ma iētahi hoā kaukauna, iēia kua tūhia o lātou igoa i te tuhi o te ola, a te Atua.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

2 Timoteo 4:10

Ko Temahi kua fiafia ki nā mea o te lalolagi nei, ma kua ia tiakia au kae fano ki Tehalonika. Ko Keleoke kua fano ki Kalatia, ka ko Tito kua fano ki Talamatia.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:17

Ko te mea ia, kāfai kua talia e koe ko au he hoā kaukauna ki a te koe, ke talia foki la e koe ma te fiafia ia Onehimahi, e vē lava ona kē talia au.

Filemoni 1:24

ma e vēnā foki oku hoa i luga o te gāluega, ia Maleko, Alihitako, Temahi, ma Luka.

3 Ioane 1:8

Ko ki tātou la nā tino Kelihiano, e tatau ke fehoahoani ki nā tino iēnei, kae ke mafai ke gālulue fakatahi ki tātou ma ki lātou, mo te meamoni.