2 Kolinito 8:21 - Tokelauan New Testament

²¹ Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

2 Kolinito 8:21 ပူးပေါင်းရင်းမြစ်များ

Mataio 23:5

Ko a lātou mea uma e fai kae ke kitea ai ki lātou e tagata. Kikila ki te fuaefa o nā taga ei loto ai nā fuaikupu mai nā tuhituhiga paia e tanoa ki o lātou muāulu ma o lātou lima, vēnā ma te loloa o nā mea e fakapipiki ki nā pito o nā kofutatao, ke fakailoa ai ko ki lātou e fakatuatua ki te Atua!

Mataio 5:16

Ke vēnā foki oi māina atu tau mōlī ki tagata, kae ke kitea ai e ki lātou au mea lelei e fai, ma vīkia ai te koutou Tamana i te lagi.

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Mataio 6:4

kae ke nahe iloa ai e he tino tau fehoahoani kua fai. E kitea e te koutou Tamana nā mea e fai munimuni, ma ka fōki atu e ia he taui mo koe.

Loma 12:17

Nahe koutou tauia i he hehē he hehē o he tino ki a koutou, kae taumafai ke fai e koutou nā mea e manatu ia tagata uma e lelei.

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 8:20

Ki mātou e fakaeteete lele ke nahe faitiogia ki mātou e tuha ai ma te kikilaga e ki mātou o tēnei meaalofa lahi.

2 Kolinito 8:22

Ko te mea ia ka uga atu ai e ki mātou hētahi o mātou uho a kaukauna ki a te koutou; kua lahi ana mea e fai kua ki mātou mautinoa ai tona loto naunau ke fehoahoani. Nei la, kua fakaatili lele tona naunau ke fehoahoani, ona e lahi tona talitonu ki a te koutou.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

1 Tehalonia 5:22

kae kalo kehe mai nā mea kino uma.

1 Timoteo 3:7

E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.