2 Kolinito 8:19 - Tokelauan New Testament

¹⁹ E hē gata i tēnā, kua filifilia foki ia e nā Ekalehia ke faimalaga fakatahi ma ki mātou, i te fakataunukuga o tēnei gāluega tāua, auā he vīkiga mo te Aliki, ma ke kitea ai foki to mātou agaga fia fehoahoani.

2 Kolinito 8:19 ပူးပေါင်းရင်းမြစ်များ

Gāluega 14:23

Na tōfia e ki lāua ni toeaina mo nā Ekalehia takitahi, ma i na kua uma ona tatalo ki te Atua ma fakalāina, oi ofo atu ai ki lātou ki te Aliki, tē kua tuku atu ki ei to lātou fakamoemoe.

Gāluega 15:22

Oi tonu ai i te kau apohitolo ma toeaina vēnā ma te Ekalehia kātoa, ke filifili ni taulelea ke olo fakatahi ma Paulo ma Panapa ki Anitioka. Na filifili ai e ki lātou ni tino e toka lua e fakamoemoegia lele e nā tino kua talitonu, ko Iuta, ko tētahi ona igoa ko Pāhapa, ma Hila,

Gāluega 15:25

Oi ko ki mātou la kua talanoa fakatahi, ma kua mālilie uma ke filifili ni kavefekau ke uga atu ki a te koutou. Ka oatu fakatahi ma a mātou uō pele ko Panapa ma Paulo,

Gāluega 19:22

Oi na uga ai e Paulo ia Timoteo ma Elahito, ni tino e toka lua o nā tino nae fehoahoani ki a te ia, ke olo ki Maketonia, kae kua toe nofo ia mo ni aho i te itūmālō o Ahia.

Gāluega 19:29

Kua halalau te vevehi ki te kakai kātoa. Oi puke ai e te kaifenua ia Kaio ma Alihitako, ni tino Maketonia nae malaga fakatahi ma Paulo, ma kave ki te malae e maopoopo ki ei ia tagata o te kakai.

Loma 5:11

Kae e hē ko tēnā oioti; ko ki tātou e fiafia ona ko te mea na fai e te Atua e ala i to tātou Aliki ko Iehu Keliho, tē kua mafai ai ki tātou ke kavea ma uō a te Atua.

Loma 5:3

Ko ki tātou foki e fāfifia ki nā puapuagā e maua ai ki tātou, auā kua ki tātou iloa ko te puapuagā e tupu ai te onohai,

2 Kolinito 4:15

Ko nā mea uma iēnei kua fai mo koutou; ma ko te tokalahi o tagata e ki lātou iloa te alofa tūnoa o te Atua, ko te lahi foki ia o tatalo o te fakafetai ma vīkiga ki te Atua.

2 Kolinito 8:11

Fakaauau pea la, ma fakauma te gāluega! Iviivinaki ke fakauma te gāluega, e vē ko te koutou iviivinaki ki te fuafuaga i te kāmataga, ma fai i nā mea kua i outou lima.

2 Kolinito 8:12

Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

2 Kolinito 8:20

Ki mātou e fakaeteete lele ke nahe faitiogia ki mātou e tuha ai ma te kikilaga e ki mātou o tēnei meaalofa lahi.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 9:8

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.