2 Kolinito 8:12 - Tokelauan New Testament

¹² Kāfai koutou e naunau ke fōki, ka taliagia e te Atua tautou meaalofa fua kinā mea kua i outou lima, kae e hē fua kinā mea e hē tagolima koutou ki ei.

2 Kolinito 8:12 ပူးပေါင်းရင်းမြစ်များ

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.

Mataio 25:22

“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’

Luka 16:10

Ko ai lava e fakamāoni i nā tamā mea, ka fakamāoni foki i nā mea lalahi; ma ko ai lava e hē fakamāoni i nā tamā mea, ka hē fakamāoni foki i nā mea lalahi.

2 Kolinito 8:11

Fakaauau pea la, ma fakauma te gāluega! Iviivinaki ke fakauma te gāluega, e vē ko te koutou iviivinaki ki te fuafuaga i te kāmataga, ma fai i nā mea kua i outou lima.

2 Kolinito 8:13

Ko au e hē lea atu ke fakamāmā te kavega mo iētahi tino kae fakamamafa mo koutou,

2 Kolinito 8:19

E hē gata i tēnā, kua filifilia foki ia e nā Ekalehia ke faimalaga fakatahi ma ki mātou, i te fakataunukuga o tēnei gāluega tāua, auā he vīkiga mo te Aliki, ma ke kitea ai foki to mātou agaga fia fehoahoani.

2 Kolinito 9:7

E tatau la koutou tau tokatahi ke fōki e tuha ma te mea kua loto koe ki ei, kae nahe fakalotolotolua, pe manatu foki ko he tiute e o koe ke fōki; auā ko te Atua e alofa ki te tino e fiafia oi fōki.

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.