2 Kolinito 8:1 - Tokelauan New Testament

¹ Te kau uho, ko ki mātou e fofou ke iloa e koutou te alofa tūnoa o te Atua, tēia kua fakaalia e ala i nā Ekalehia i Maketonia.

2 Kolinito 8:1 ပူးပေါင်းရင်းမြစ်များ

Mataio 25:22

“Oi hau ai ki loto te kaukauna na tuku ki ei nā tāleni e lua ma lea vē atu ki tona matai, ‘Toku matai, na tuku mai e koe ki a te au nā tāleni e lua. Kikila, iēnei iētahi tāleni e lua na maua i aku taumafaiga.’

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 16:9

Ma i te pō tēnā, na kitea ai e Paulo i he fakaaliga, he tino Maketonia e tū kae fakatālohaga vēnei ake, “Hau ko ki Maketonia, oi fehoahoani ki a te ki mātou!”

Gāluega 24:17

“Ina kua teka ni nai tauhaga talu toku fano kehe ma Ieluhalema, oi toe fano ai au ki ei oi kave ni tupe ki oku tagata Iutaia, ma ke ofo ake ni tāulaga.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

2 Kolinito 11:9

Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 9:12

Auā ko te koutou fehoahoani tēnei, e hē gata e fehoahoani ai ki tagata o te Atua, kae ka mafai ai foki ke lagona e te tokalahi o tagata, te agaga fakafetai ki te Atua.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

2 Kolinito 9:4

Kae kāfai ni tino mai Maketonia e oatu ma au, ma papā atu ki mātou ko koutou ko hēki hāuni, te fakamā lele o te mea e pa ki mātou ki ei — kae vēhea ai la te takuvalea lele o koutou — i te mautinoa e koutou e koutou mafaia.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

1 Tehalonia 4:10

ma e moni lava ma fakamāoni, te koutou alolofa ki te kau uho uma lele i Maketonia. Oi ko ki mātou e talohaga atu ki a te koutou o mātou uho, ke haga fakaatili pea lava te koutou alolofa.