2 Kolinito 7:7 - Tokelauan New Testament

⁷ E hē nā ko te hau o Tito te na ala ai to mātou fiafia, kae na vēnā foki to mātou fiafia i tana līpoti ko koutou nae fakamālohi ake ki a te ia. Na taku mai e ia e uiga ki te koutou naunau lahi ke feiloaki ma au, te koutou halamō ki te mea na tupu, te koutou naunau ke lagolago mai ki a te au; ko te mea ia kua hili atu ai toku fiafia i te taimi nei.

2 Kolinito 7:7 ပူးပေါင်းရင်းမြစ်များ

Mataio 26:75

ma na manatua ai loa e Petelu te kupu a Iehu na fai ake ki a te ia, “Ka ko hēki vivini te moa, ka kua fakafiti fakatolu koe e hē kē iloa au.” Oi fano ai ki fafo, kua tagi aueuē ai.

Mataio 5:4

Amutia nā tino e fakanoanoa; auā ka fakamāfanafanagia ki lātou e te Atua!

Luka 22:44

Ko te popole lahi o tona loto, na ātili ai oi tatalo fakatauanau; ko tona āfu kua vēia ni motimoti toto e pakukū ifo ki te kelekele.

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Loma 1:12

Ko te uiga o taku lea atu, ke mafai ki tātou ke fakamālohi tētahi ki tētahi, e ala i to tātou fakatuatua.

1 Kolinito 5:2

E vēhea ake la ona fāfifia koutou! E hē tatau nei koutou ke māhiahi? Ko te tino kua ia faia te tēnei mea, e tatau ke tuli kehe ma te koutou maopoopoga.

2 Kolinito 1:4

E fehoahoani mai ia ki nā puapuagā uma o ki māua, ke mafai ai e ki māua oi fehoahoani ki iētahi tino e maua i te lahi o itūkāigā puapuagā kehekehe, e ala i te fehoahoani kua ki mā maua mai i te Atua.

2 Kolinito 2:9

Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

2 Kolinito 5:2

Ma i te taimi nei, ko ki mātou e tagi momoko ke i na tuku ifo loa ko to mātou fale mai lagi ki luga o ki mātou;

2 Kolinito 7:6

Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 7:8

Auā e ui lava na maua koutou i te loto fakanoanoa ona ko taku tuhi na kavatu, ko au e fiafia ko au na tuhi atu. Na kō lagona te popole i te kō iloaga ko koutou nae hē fiafia, i he vāitaimi.

2 Kolinito 8:16

Ko au e fakafetai ki te Atua ona ko ana faiga te kua lagona ai e Tito te agaga naunau e vē foki lava ko ki mātou, ke fehoahoani atu ki a te koutou.

Filipi 1:20

Ko te mea e fakamoemoe ma naunau lahi au ki ei, ke nahe i ei lele he taimi e fakahētonu ai taku gāluega, kae i taimi uma lava, kae maihe lava te taimi nei, ke tumu au i te loto toa, kae ke fakaaogā ai toku tagata kātoa ke maua ai he vīkiga mo Keliho, e tuha lava pe ola ai au, pe oti ai.

Kolohe 2:5

Auā e ui lava ko au e hē i kinā ma koutou, kae ko toku agaga e i ei fakatahi ma koutou, ma ko au te fiafia i toku kikila atu ki te mau o tautou tutū fakatahi, i te fakatuatua ki a Keliho.

1 Tehalonia 3:6

Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

1 Tehalonia 3:8

auā ko te tutū mālohi o koutou i te hokotaga a koutou ma te Aliki, e vē he mānavaga o he ola fou ki a te ki mātou.

Epelu 2:1

Ko te mea ia e tatau ai ke tāofi mau ki tātou ki te meamoni kua fakalogo ki tātou ki ei, kae ke nahe tāfea kehe mai ai ki tātou.

Iakopo 5:17

Ko Elia ko he tino e vē lava ko ki tātou. Na tatalo fakatauanau ke nahe ua, ma na kātoa te tolu ma te āfa tauhaga e hēki i ei he ua na pakū ki luga o te kelekele.

2 Ioane 1:4

Kai te lahi o toku fiafia i te kō iloaga ko iētahi o fānau a koutou e mulimuli ki te meamoni, e vē lava oi fakatonu mai ai ki tātou e te Tamana.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.