2 Kolinito 7:6 - Tokelauan New Testament

⁶ Kae ko te Atua, tē e maua ai te fakamālohiaga e ki lātou kua tau hēai he fakamoemoe, na fakamālohi mai ki a te ki mātou, i te hauga o Tito.

2 Kolinito 7:6 ပူးပေါင်းရင်းမြစ်များ

Mataio 5:4

Amutia nā tino e fakanoanoa; auā ka fakamāfanafanagia ki lātou e te Atua!

Ioane 14:16

Ko au ka tatalo ki te Tamana, ma ka ia fōki atua ki a te koutou hētahi Fehoahoani, ke fakatahi pea ma koutou ke pa ki te fakavavau.

Loma 15:5

Ke kavea te Atua, te puna o te onohai ma te fakamālohi, ma mea e tahi ai te manatu ia te koutou, ona ko te koutou mulimuli ki nā fakatakitakiga a Keliho Iehu,

2 Kolinito 7:13

Ko te mea ia kua kavea ai tēnei mea ma fakamālohiaga ki a te ki mātou. E hē gata i te kua fakamālohi mai ki a te ki mātou, kae kua fakafiafiagia lahi foki ki mātou e Tito, i te kua ki mātou iloa nae fehoahoani koutou uma ki a te ia.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

2 Kolinito 7:7

E hē nā ko te hau o Tito te na ala ai to mātou fiafia, kae na vēnā foki to mātou fiafia i tana līpoti ko koutou nae fakamālohi ake ki a te ia. Na taku mai e ia e uiga ki te koutou naunau lahi ke feiloaki ma au, te koutou halamō ki te mea na tupu, te koutou naunau ke lagolago mai ki a te au; ko te mea ia kua hili atu ai toku fiafia i te taimi nei.

Filipi 2:1

Ko te ōlaga o koutou i te māfutaga ma Keliho e mākekeke ai koutou, ma ko tona alofa e fakamāfanafana ki a te koutou. Kua i te māfutaga fakatahi koutou ma te Agaga, ma kua ia te koutou te agalelei ma te tīgā alofa o tētahi ki tētahi.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,