2 Kolinito 7:5 - Tokelauan New Testament

⁵ Ke pa lava ki te kua taunuku o ki mātou ki Maketonia, e hēki maua lele ha mātou malōlōga. Na maua ki mātou i nā fakafītāuli kehekehe; nae tauai kupu ma iētahi tino, ma lagona te mataku i o mātou loto.

2 Kolinito 7:5 ပူးပေါင်းရင်းမြစ်များ

Gāluega 20:1

Kua māona atu te vevehitū, oi fakapotopoto ai e Paulo te kau Kelihiano, ma ina kua uma te ia kavatua ki ei o ni kupu fakamākeke, oi fakamāvae atu ai ki a te ki lātou, ma malaga ai loa ki Maketonia.

Loma 15:26

Auā kua tonu i nā Ekalehia i Maketonia ma Akaia ke kave ha lātou tāulaga ke fehoahoani ki nā tino mātitiva o te Atua i Ieluhalema.

1 Kolinito 15:31

Te kau uho, ko toku ola e lamatia pea lava i aho uma! Ko toku mitamita ona ko koutou i te māfutaga ma Keliho Iehu to tātou Aliki, kua mafai ai au ke lea vēnei atu.

1 Kolinito 16:5

Ko au ka fanatu oi āhiāhi atu ki a te koutou kāfai e uma taku malaga ki Maketonia — auā ko au e tatau ke kui atu muamua i loto o Maketonia.

2 Kolinito 2:13

Kae ko au nae popole lahi ona e hēki kō maua ki kinā, toku uho a kaukauna ko Tito. Oi na fakamāvae ai au ki nā tino nae i kinā, ma fano ai loa ki Maketonia.

2 Kolinito 2:3

Ko te ala ia na tuhi atu ai taku tuhi tēnā ki a te koutou — ko au e hēki fofou ko au ke fanatu ke fakamahiahi e nā tino na tatau ke ki lātou faia nā mea e fakafiafia mai ki a te au. Auā e mautinoa lelei e au, kāfai au e fiafia, ko koutou uma foki e fiafia.

2 Kolinito 2:9

Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

Kalatia 4:11

Ko au te popole na meake ko aku gāluega uma e fai mo koutou, e fakahēaogāgia?

1 Tehalonia 3:5

Ko te ala ia na uga atu ai e au ia Timoteo. Kua hē kō nafatia lele toku fia iloa te tūlaga kua i ei te koutou fakatuatua, oi kua uga atu ai e au kae ke maua mai he fakamatalaga. Kua hē uma toku popole auā koutou i nā fakaohoohogia e te Tiāpolo, ma fakahēaogā uma lele ai a mātou gāluega.