2 Kolinito 7:15 - Tokelauan New Testament

¹⁵ E alofa lahi lele atu ia Tito ki a te koutou uma, kae maihe lava kāfai e ia manatua te uhitaki o koutou uma ki nā mea nae lea atu ai, vēnā ma te gatete ma te mātataku o koutou, i te taimi na feiloaki ai koutou.

2 Kolinito 7:15 ပူးပေါင်းရင်းမြစ်များ

Ioane 16:21

Kāfai he fafine e faitama kua tāli fānau, e lagona e ia te fakanoanoa auā ko tona itūlā o puapuagā kua pa mai; kae kāfai kua fānau mai te pepe, kua puli lele i ona puapuagā, auā kua fiafia kua i ei he pepe e fānau mai ki te lalolagi.

Gāluega 16:29

Na kalaga loa te leoleo falepuipui ke kaumai he mōlī, ma matele atu ai ki loto o te falepuipui ma fakapakū ki nā vae o Paulo ma Hila, ma e tatapa i te mataku.

1 Kolinito 2:3

Ma i te kāmataga, ko au nae vāivai ma tete i te mataku,

2 Kolinito 2:9

Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

2 Kolinito 6:12

E hē ko ki mātou te kua tapuniagia o mātou loto ki a te koutou, kae ko koutou te kua tapuniagia outou loto ki a te ki mātou.

Efeho 6:5

Ko koutou pologa, uhitaki ki outou matai fakatetino i te mataku ma te gatete; fai te mea tēnei ma te loto fakamāoni moni, e vē lava ko koutou e kaukauna ki a Keliho.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

1 Ioane 3:17

Kae kāfai he tino maukoloa e ia kitea he uho pe he tuafafine e fofou ki he fehoahoani, kae hē ia te ia he loto alofa ki ei, e vēhea oi lea te tino tēnā ko ia e alofa ki te Atua?