2 Kolinito 7:12 - Tokelauan New Testament

¹² Ko te mea ia, e ui na kō tuhia te tuhi, e hēki kō tuhiagia ona ko te tino na faia te mea hehē pe ko te tino na āfāina ona ko te mea hehē tēnei. Na kō tuhia ke fakamanino atu ki a te koutou i mua o te Atua, te mālohi o te koutou lagolago mai ki a te au.

2 Kolinito 7:12 ပူးပေါင်းရင်းမြစ်များ

2 Kolinito 11:11

Ko au nei e lea vēnei ona ko au e hē alofa atu ki a te koutou? E iloa e te Atua ko au e alofa ki a te koutou!

2 Kolinito 11:28

Ma e hē gata i iētahi mea kua hē tākua, ko au e fītā i aho uma lava i toku popole ki nā Ekalehia uma.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 2:9

Ko te ala ia na tuhi atu ai taku tuhi tēnā. Nae fia kō tofotofoagia koutou pe i na uhitaki mai koutou ki a te au i ho mea e lea atu ai au.

2 Kolinito 7:8

Auā e ui lava na maua koutou i te loto fakanoanoa ona ko taku tuhi na kavatu, ko au e fiafia ko au na tuhi atu. Na kō lagona te popole i te kō iloaga ko koutou nae hē fiafia, i he vāitaimi.

1 Timoteo 3:5

Auā kāfai he tamāloa e hē ia mafai oi kikila lelei tona kāiga, e vēhea ona mafai e ia oi kikila lelei te Ekalehia a te Atua?