2 Kolinito 7:11 - Tokelauan New Testament

¹¹ Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

2 Kolinito 7:11 ပူးပေါင်းရင်းမြစ်များ

Maleko 3:5

Oi fakaholoholo atu ai tana kikila ki nā tino i tona loto tīgā, ka kua ia lagona foki te alofa ona ko te hehē ma te makaka o nā loto o ki lātou. Oi vāgana atu ai ki te tamāloa, “Fakahako atu tō lima.” Kua fakahako te lima o te tamāloa, oi toe lelei ai.

Ioane 2:17

Kua manatua e nā hoko o ia, te kupu e tūhia i te tuhituhiga paia e vē mai, “Ko te alofa o oku ki tō fale, te Atua, e mu i loto o oku e vē he afi.”

Gāluega 17:16

Ka koi fakatalitali ia Paulo ki a Hila ma Timoteo i Atenai, na lagona lava e ia te matuā hē fiafia lahi, i te ia kiteaga ko te kakai e tumu i nā tupua.

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

Loma 14:18

Ma kāfai koe e tautua ki a Keliho i te auala tēnei, ka fiafia ai te Atua ma fakaaloalo atu ia tagata ki a te koe.

Loma 3:5

Kae e vēhea kāfai ko te fai e ki tātou o nā mea hehē e fakaalia ai te hako o nā mea e fai e te Atua? E mafai nei ke lea ki tātou ko te Atua e hehē kāfai ki tātou e fakahala e ia? (Ko he fehili tēnei e tatau lava ke fehili ai.)

1 Kolinito 12:25

E hē tatau la ke i ei he fevaevaeakiga i te tino, kae ko nā itūtino kehekehe uma o ia, e tatau ke tutuha te loto tuahā o tētahi ki tētahi.

1 Kolinito 5:13

E fakamahino e te Atua nā tino i fafo e vē oi lea mai te tuhituhiga paia, “Tuli kehe te tino kino mai te koutou maopoopoga.”

1 Kolinito 5:2

E vēhea ake la ona fāfifia koutou! E hē tatau nei koutou ke māhiahi? Ko te tino kua ia faia te tēnei mea, e tatau ke tuli kehe ma te koutou maopoopoga.

2 Kolinito 13:7

Ko ki mātou e tatalo ki te Atua, ke nahe koutou faia nā mea hehē — e hē ona ke fakaalia ai ko ki mātou kua pāhi i te hukega, kae ke mafai ai ke fai e koutou te mea e tonu, e ui lava e vē ka ono fōliga ai ko ki mātou e hēki pāhi.

2 Kolinito 2:6

Kua uma te fakatonu e te tokalahi o koutou te tino tēnei, ma kua lava tona fakahalaga tēnā.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

2 Kolinito 7:1

Te kau uho pele, ko nā folafolaga iēnei kua uma te fai e te Atua mo ki tātou. Ko te mea ia, fakamamā loa ki tātou mai nā mea uma e hē mamā ai o tātou tino ma o tātou agaga, ma ke paia kātoatoa ki tātou e ala i te mataku i te Atua.

2 Kolinito 7:7

E hē nā ko te hau o Tito te na ala ai to mātou fiafia, kae na vēnā foki to mātou fiafia i tana līpoti ko koutou nae fakamālohi ake ki a te ia. Na taku mai e ia e uiga ki te koutou naunau lahi ke feiloaki ma au, te koutou halamō ki te mea na tupu, te koutou naunau ke lagolago mai ki a te au; ko te mea ia kua hili atu ai toku fiafia i te taimi nei.

2 Kolinito 7:9

Kae ko au e fiafia i te taimi nei — e hē ona ko koutou na maua i te loto fakanoanoa, kae ona na fakaaogā e te Atua te koutou loto fakanoanoa, ke maua ai he hūiga ki outou ōlaga. E hēki i ei la he mea na āfāina ai koutou ona ko ki mātou.

2 Kolinito 9:2

E iloa e au ko koutou e fiafia lele oi fehoahoani, ma ko he mea tēnei nae faitala fāfia ai au ki nā tino i Maketonia. Na lea au ki ei, ko koutou iēnā i Akaia kua kātoa te tauhaga talu te hāuniuni ke fehoahoani ake ki a te ki lātou; ma ko te koutou naunau kua lagona ai foki e te tokalahi o ki lātou, te fia fehoahoani.

Efeho 4:26

Kāfai koutou e ita, nahe kavea te koutou ita ma mea e agahala ai koutou, ma nahe fano te aho kātoa koi ita koutou.

Efeho 5:11

Ia koutou lele nahe kau ki nā mea e hēai he uiga e fai e tagata; nā mea e fai i te pōuliuli. Kae kaumai ki fafo ki te mālamalama.

Filipi 2:12

Ko te mea ia te kau uho pele, e vē ona uhitaki mai koutou ki a te au i taimi uma nae māfuta fakatahi ai ki tātou, ka hili atu la te tāua ke uhitaki mai koutou ki a te au i te taimi tēnei e hē i kinā ai au ma koutou. Ke tūmau pea te koutou gālulue i te mataku ma te gatete, ke kātoatoa ai te koutou fakaolataga,

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

2 Timoteo 2:15

Taumafai ki mea e gata mai ai tō mafai ke talia kātoatoa koe i mua o te Atua, e vē he tino faigāluega e hē mā i tana gāluega, ma e akoako hako e ia te kupu moni a te Atua.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Petelu 1:17

E lea koutou ko te Atua ko te koutou Tamana, kae ko te Atua e hē fakapito ki he tino. E fakamahino e ia ia tagata uma fua ki nā mea a ki lātou kua fai. Ko te mea ia, i te taimi kātoa e aumau ai koutou i te lalolagi nei e vē ni tino kua fakaaunukua, e tatau koutou ke ola mātataku i te Atua.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

Iuta 1:23

fakaola iētahi tino i te tahamu kehe mai i loto o te afi o te fakamahinoga; loto alolofa ki iētahi tino ma ko koutou foki ke fakaeteete; kae inoino ki o lātou lākei kua kelekelea i o lātou lava tuinanauga ki te tino.

Fakaaliga 3:19

Ko nā tino e alofa au ki ei, e akoaki ma fakahala e au; koutou la ke mataala ma liliu kehe mai autou agahala.