2 Kolinito 7:10 - Tokelauan New Testament

¹⁰ Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.

2 Kolinito 7:10 ပူးပေါင်းရင်းမြစ်များ

Mataio 26:75

ma na manatua ai loa e Petelu te kupu a Iehu na fai ake ki a te ia, “Ka ko hēki vivini te moa, ka kua fakafiti fakatolu koe e hē kē iloa au.” Oi fano ai ki fafo, kua tagi aueuē ai.

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Luka 18:13

“Kae ko te aolāfoga, nae tū mamao mai, ma e hēki kikila ake foki ona mata ki te lagi, ka nae pōpō tona fatafata, ma lea vē, ‘Te Atua, alofa mai ko ki a te au te tagata agahala!’ ”

Gāluega 11:18

Kua fakalogo atu ki lātou ki te mea tēnei, oi uma ai foki te lātou fakaheā, kae kua viviki ake ki te Atua, ma lea vēia “Kua tuku atu foki la e te Atua te avanoa ki tagata nukukehe ke halamō, ma ke maua ai e ki lātou te ola.”

Gāluega 3:19

Ko te mea ia, halamō loa i autou agahala ma liliu ki te Atua, kae ke fakamāgalo ai autou agahala. Kāfai e koutou faia te mea tēnei,

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

2 Kolinito 7:9

Kae ko au e fiafia i te taimi nei — e hē ona ko koutou na maua i te loto fakanoanoa, kae ona na fakaaogā e te Atua te koutou loto fakanoanoa, ke maua ai he hūiga ki outou ōlaga. E hēki i ei la he mea na āfāina ai koutou ona ko ki mātou.

Epelu 12:17

Auā e koutou iloa, i he taimi mulimuli ake, na fofou ke ia mauagia te fakamanuiaga a tona tamana; kae e hēki mafai te mea tēnei, ona e hēki ia maua he auala ke toe hui ai tana mea na fai, e ui lava nae hakili e ia ma te tagi.