2 Kolinito 6:8 - Tokelauan New Testament

⁸ Ko ki mātou e taku leleia e iētahi kae inohia e iētahi; e tauemua e iētahi kae fakavikiviki e iētahi. Ko faiga a tagata e fai mai ki a te ki mātou e vē ai ki mātou ni tino talapepelo, oi ka ko ki mātou e tautatala lava i te meamoni.

2 Kolinito 6:8 ပူးပေါင်းရင်းမြစ်များ

Mataio 10:25

Ko te mea ia e tatau ai i te tamaiti akoga ke fiafia oi kavea ia ke vē ko tona faiakoga, ma te pologa ke vē ko tona matai. Kāfai te ulu o te kāiga e fakaigoa ki a Pelehepulo, ka hē hili atu nei la te kino o nā igoa ka fakaigoa ai nā tino o te kāiga!

Mataio 22:16

Oi uga ai e ki lātou ki a Iehu ni tino o nā hoko o ki lātou fakatahi ma ni tino o te vāega e kau ki a Helota. Kua fehili atu ki lātou iēnei ki a Iehu, “Te Faiakoga, e iloa e ki mātou ko koe e tautala i te meamoni. E akoako e koe te meamoni e uiga ki te finagalo o te Atua mo tagata, ma e hē popole lele koe pe i na vēhea ake ni manatu o tagata, auā e tutuha ia tagata uma ia te koe.

Mataio 27:63

ma lea vē ki ei, “Te kōvana, e ki mātou manatua ka koi ola tēnā tino talapepelo, na fai tana kupu vēia, ‘Ko au ka toe fakatū mai i te oti, kāfai e teka nā aho e tolu.’

Maleko 12:14

Kua lea vē atu ki lātou ki a Iehu, “Te Faiakoga, e iloa e ki mātou ko koe e tautala i te meamoni, e aunoa ma he popole pe vēhea ake ia manatu o tagata. E hē kē amanakia he tino ona ko hona tūlaga, kae e akoako lava e koe te meamoni e uiga ki te finagalo o te Atua mo tagata. Lea mai ake, e fakataga i te tātou Tūlāfono ke totogi nā lāfoga ki a Kaihala? E tatau nei ke totogi e ki tātou pe hēai?”

Ioane 7:12

Kua tautalatala muhumuhu te tokalahi o nā tino, e uiga ki a Iehu. Kua lea vē iētahi, “Ko Iehu he tino lelei,” kae lea iētahi, “Hēai, e fakahehē e ia ia tagata.”

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 16:39

Oi na olo ai oi fakatokehe ki te toka lua; oi takitaki ai te toka lua e ki lātou ki fafo o te falepuipui ma fakatonu ke olo kehe ma te kakai.

Gāluega 22:12

“Nae i te kakai tēnā he tino e igoa ki a Anania, he tino lotu nae uhiuhitaki ki te tātou Tūlāfono, ma nae fakaaloalogia lahi lele e nā tino Iutaia e nonofo i kinā.

Gāluega 24:5

Kua maua e ki mātou ko te tagata tēnei, he tino e fakapokepoke ma fakatupu fakalavelave; kua fakatupu e ia nā vevehitū i te mea e i ei ia tagata Iutaia i te lalolagi kātoa uma, ma ko ia foki ko he takitaki o te vāega a te kau ha-Nahaleta.

Gāluega 28:22

Kae ko ki mātou e fia fakalogo atu ki nā manatu o koe, auā e iloa e ki mātou ko nā tino i ho he koga lava, e teteke lele ki te fakalapotopotoga tēnā kua i ei koe.”

Gāluega 4:21

Oi toe lapataki mālohi ai te Taupulega ki te toka lua, ma tuku ai ke olo. Kua ki lātou kitea e hē ki lātou mafaia oi fakahala te toka lua, auā ko tagata uma kua viviki ki te Atua ona ko te mea na tupu.

Gāluega 5:13

E hēai lele he tino ko hēki talitonu na loto toa ke i ei fakatahi i te mea kua maopoopo ki ei nā tino kua talitonu, e ui lava ko nā tino kua talitonu nae fakaaloalogia lele e tagata.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

Loma 3:8

He ā te hē lea ai vē ki tātou, “Ōmamai ke ki tātou faia nā mea kino, kae ke tupu mai ai he lelei.”? E i ei ni tino kua ki lātou fakamātagāgia au i te lātou tala kua fai, ko nā fakakupuga iēnei e āku na fai. Ka fakahalagia ki lātou ma ko he mea tēnei e tonu ma hako.

2 Kolinito 1:18

E molimau te Atua fakamāoni, ko taku folafolaga na fai atu ki a te koutou, e hē he “Io” pe he “Hēai.”

2 Kolinito 11:21

Ko au e mā oi taku hako atu, ko ki mātou nae palakakai oi fai ni mea vēnā! Kae kāfai i ei he tino e ia mafai oi fāfia e uiga ki ho mea — e mafai foki e au. (Ko aku tala iēnei e vē ni tala a he tino valea.)

2 Kolinito 12:16

E koutou iloa lelei lava ko au e hēki fakafītā atu ki a te koutou. Kae e lea koutou ko au e faitogafiti, ma kua kō māileia koutou i nā tala pepelo.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

1 Tehalonia 2:3

Ko te mātou ōlega ki a te koutou e hē fakavaea i luga o he hehē pe ni manatu hē mamā, ma ko ki mātou foki e hē taumafai ke fakavalea he tino.

1 Timoteo 3:7

E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

Epelu 13:13

Tātou olo foki la ki a te ia i fafo o te kakai, ke fakamātagā fakatahi ai ki tātou ma ia.

1 Petelu 4:14

Amutia koutou kāfai koutou e tauemua e tagata ona ko koutou e mulimuli ki a Keliho; ko te uiga o te mea tēnei ko te Agaga mamalu, te Agaga o te Atua, e fakatahi ma koutou.

3 Ioane 1:12

E tutuha lelei lava nā molimau a nā tino ki te lelei o Temetilio; e molimau foki lava te meamoni ki a te ia. Ma e fakaopoopo foki ki ei ma ta mātou molimau, ma e iloa lelei e koe ko te mea e lea ai ki mātou e hako.

Fakaaliga 3:9

Kikila, ko nā tino o Hātani, nā tino talapepelo e lea ko ki lātou ni Iutaia kae e hē ni Iutaia; ka kō kaumaia ki lātou ke tōtutuli pūnonou ki mua o outou vae. Ka iloa uma e ki lātou ko au e alofa atu ki a te koutou.