2 Kolinito 6:7 - Tokelauan New Testament

⁷ e ala i to mātou tautatala i te meamoni, ma e ala i te mana o te Atua. Ko ta mātou kaukupega ko te āmiotonu, e tau ma puipuia ai foki ki mātou.

2 Kolinito 6:7 ပူးပေါင်းရင်းမြစ်များ

Maleko 16:20

Oi olo ai nā hoko oi tālaki atu te Tala Lelei ki nā itū uma o te lalolagi; nae gālulue fakatahi foki ki lātou ma te Aliki, ma na fakamāonia te moni o ta lātou tālakiga i nā vāvega nae ki lātou faia.] [

Gāluega 11:21

Na fehoahoani lahi te Atua ki a te ki lātou ma e tokalahi lele nā tino na talitonu ma liliu ki te Aliki.

1 Kolinito 1:24

kae mo ki lātou kua kalagagia e te Atua, nā tino Iutaia fakatahi ma nā tino nukukehe, ko te fekau tēnei ko Keliho. Ko ia ko te mana o te Atua ma te poto o te Atua

2 Kolinito 13:4

Auā e ui lava ko te vāivai o ia te na fakahātaulo ai, kae ko te mana o te Atua te ola ai nei. I te māfutaga ma ia, ko ki tātou foki e vāivai; kae i te mātou hokotaga ma koutou, ka maua fakatahi ai e ki tātou te mana o te Atua i te ola o Keliho.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 7:14

Na fakaali toku fāfia ki a Tito ona ko koutou, ma e hēki koutou faia lele he mea ke hui ai toku lagona tēnei. Ko ki mātou e tautatala lava ki a te koutou i te meamoni, ma e vēnā foki to mātou fāfifia na fai ki a Tito, ko tēia kua hako foki lava.

Efeho 1:13

Ma ko koutou foki na kavea ma tagata o te Atua i te lagonaga e koutou te kupu moni — te Tala Lelei na maua ai e koutou te fakaolataga. Ko koutou kua talitonu ki a Keliho, ma kua tuku e te Atua ki outou luga tana fakailoga e iloa ai ko koutou e a ia, e ala i te Agaga Paia kua fōki atu e ia ki a te koutou, e vē oi folafola e ia.

Efeho 3:20

Ki a te ia, tē e galue i loto ia te ki tātou e ala i tona mana, ma faia nā mea e hili lele atu te lahi i lo nā mea e gogō atu ki tātou ki ei, pe māfaufau foki ki ei:

Efeho 4:21

Ko hēki fakalogo moni nei lava koutou e uiga ki a te ia, ma akoakogia i te meamoni e i a Iehu.

Kolohe 1:5

I te taimi muamua na pa atu ai te fekau moni ki a te koutou, ko te Tala Lelei tēnā, na fakalogo koutou ki te fakamoemoe e folafola mai ai. Ko te koutou fakatuatua la ma te koutou alofa, e fakavae i te mea kua fakamoemoe koutou ki ei, tēia e teu malu mo koutou i te lagi.

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

2 Timoteo 2:15

Taumafai ki mea e gata mai ai tō mafai ke talia kātoatoa koe i mua o te Atua, e vē he tino faigāluega e hē mā i tana gāluega, ma e akoako hako e ia te kupu moni a te Atua.

2 Timoteo 4:7

Kua vili mālohi au i te tūkuga ki te mea e gata mai ai toku mafai, kua pa au ki te taunukuga, ma na fakamāoni pea lava au ke pa ki te ikuga.

Epelu 2:4

I te taimi foki lava tēnā, na fakaopoopo e te Atua tana molimau ki nā molimau a nā tino iēnei, e ala i nā itūkāigā vāvega ma nā mea ofoofogia kehekehe na ia faia, ma te tufatufaga o nā meaalofa a te Agaga Paia, e tuha ai ma te mea kua finagalo ia ki ei.

Iakopo 1:18

Ko tona finagalo lava te na maua ai e ki tātou te ola e ala i te kupu moni, kae ke fakatūlaga muamua ai ki tātou i lo nā meaola uma na ia gaohia.