2 Kolinito 6:6 - Tokelauan New Testament

⁶ Ko to mātou loto mamā, te iloa, te onohai ma te agalelei, kua fakaalia ai ko ki mātou ni kaukauna e a te Atua — e ala i te Agaga Paia, e ala i to mātou alolofa moni,

2 Kolinito 6:6 ပူးပေါင်းရင်းမြစ်များ

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

1 Kolinito 12:8

E fōki e te Agaga ki tētahi tino te iloa ke tautala ai i te poto, kae ki tētahi tino e fōki ki ei e te Agaga lava e fokotahi te iloa ke tautala ai i te atamai.

1 Kolinito 13:4

Ko te alofa e onohai ma agalelei; e hē fuā pe fakamaualuga pe fāfia;

1 Kolinito 2:16

E vē oi lea mai te tuhituhiga paia, “Ko ai te ia iloa te māfaufau o te Aliki? Ko ai te ia mafaia oi kavatu ki ei ni fautuaga?” Kae ko ki tātou, kua ia te ki tātou te māfaufau o Keliho.

1 Kolinito 2:4

ma i aku akoakoga ma te tālakiga o te fekau, nae hē kō fakaaogā ni kupu loloto i te poto fakatetagata, kae na tuku lava e au ki te Agaga o te Atua ke fakaali tona mana.

2 Kolinito 1:23

E molimau te Atua — na ala toku hē fanatu ki a te koutou i Kolinito, ona e hēki fofou au ke toe fakamanuka outou loto.

2 Kolinito 11:11

Ko au nei e lea vēnei ona ko au e hē alofa atu ki a te koutou? E iloa e te Atua ko au e alofa ki a te koutou!

2 Kolinito 11:4

Auā kua fiafia koutou oi fakataga ho he tino e fanatu oi folafola atu e uiga ki he Iehu kehe, e kehe ma te Iehu na folafola atu e ki mātou; ma talia e koutou he agaga ma he tala lelei e kehe mai te Agaga ma te tala lelei na maua e koutou mai ia te ki mātou!

2 Kolinito 11:6

E ui lava ko taku tautala e hē matuā lelei e vē ko ki lātou, kae e hē vēake ai ka hili atu to lātou popoto i lo au; kua uma lava te ki mātou fakamālamalama lelei atua o nā mea uma lele ki a te koutou.

2 Kolinito 12:15

E fiafia lahi lele au oi fakafano uma aku mea vēnā ma toku tagata kātoa, ke fehoahoani atu ki a te koutou. Kāfai nei e ātili lahi toku alofa ki a te koutou, ka ātili fakaitiitia ai nei te koutou alolofa mai ki a te au?

2 Kolinito 13:10

Ko au kua tuhi atu nei ka ko hēki fanatu au, kae ke pa atu ki te taimi e fanatu ai au, ka hē hona fakaaogā e au ki a te koutou, te pule kua tuku mai e te Aliki ki a te au — te pule ke fakamākekeke ai koutou, kae hē ke fakavāivai ai.

2 Kolinito 2:10

Kāfai e fakamāgalo e koutou nā tino, e fakamāgalo foki koutou e au. Auā kāfai e kō fakamāgaloa — pe kāfai moni e i ei he mea e tatau ke kō fakamāgaloa ai — e fai e au i te fakatahi mai o Keliho ona ko koutou,

2 Kolinito 2:4

Na tuhi atu au ma toku loto popole ma te fakanoanoa lahi, vēnā ma te lahi o te loimata maligi; e hē ke fakatupu ai houtou hē fiafia, kae ke koutou iloa ai te lahi o toku alofa ki a te koutou.

2 Kolinito 3:3

E manino lava ko Keliho te na ia tuhia te tuhi tēnei, ma na ki mātou kavatua ki a te koutou e ala i ta mātou gāluega. E hēki tuhia i he vaituhi, kae na tūhia i te Agaga o te Atua ola, ma e hēki tuhia ki luga o ni fatupapa māfolafola, kae na tūhia ki nā loto o tagata.

2 Kolinito 4:6

E lea mai nā Tuhituhiga paia, “Na fakatonu e te Atua te mālamalama ke huhulu i loto o te pōuliuli.” Nei kua fakahuhulu e te Atua tona mālamalama i loto o nā loto o ki tātou, ke iloa ai e ki tātou tona huhulu pupula i fōliga o Keliho.

2 Kolinito 7:2

Tatala mai ko outou loto ki a te ki mātou. E hēki ki mātou fakahehēa he tino; e hēki fai kino ki mātou ki he tino, ma e hēki fakavalea e ki mātou he tino.

Kalatia 3:2

Ke fehili atu la au vēnei: Na maua e koutou te Agaga o te Atua e ala i te uhitaki ki te Tūlāfono, pe na ala i te kua fakalogo o koutou ki te Tala Lelei ma talitonu ki ei?

Kalatia 3:5

E fōki atu nei e te Atua tona Agaga ki a te koutou ma fai e ia nā vāvega ona ko koutou e uhitaki ki te mea e lea mai ai te Tūlāfono, pe ona kua fakalogo koutou ki te Tala Lelei ma talitonu ki ei?

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 3:4

Kāfai e faitau koutou ki te mea kua tuhi atu ai au, oi ka iloa ai e koutou e uiga ki toku mālamalama ki te mealilo e uiga ki a Keliho.

Efeho 4:2

Ke maua pea koutou i taimi uma i te lotomaulalo, te agamalū, ma te onohai. Fakaali te koutou alofa e ala i te talia o nā uiga o tētahi e tētahi.

Efeho 4:32

Kae ke agalelei ma loto lelei tētahi ki tētahi, ma fakamāgalo tētahi e tētahi e vē oi fakamāgalo koutou e te Atua e ala ia Keliho.

Kolohe 1:27

Ko te fuafuaga a te Atua, ke fakailoa atu tana mealilo ki ona tagata, te mealilo e vē he koloa tāua ma te gali, mo mālō uma. Ma ko te mealilo la, ko Keliho e i loto ia te koutou, ko tona uiga, ka i ei fakatahi koutou i te mamalu o te Atua.

Kolohe 2:3

Ko ia ko te kī e tatala ai nā koloa tāua uma tau ki te poto ma te atamai o te Atua.

Kolohe 3:12

Ko koutou ko nā tino o te Atua; na alofa atu te Atua ki a te koutou, ma na ia filifilia koutou ke fai mo ia. Ko te mea ia e tatau ai koutou ke kokofu i te tīgā alofa, agalelei, loto maulalo, agamalū ma te onohai.

1 Tehalonia 2:10

Ko koutou a mātou molimau vēnā ma te Atua, ko a mātou faiga nae fai ki a te koutou tagata Kelihiano, nae mamā lava ma hako, ma hēai he mea na hehē ai.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 5:2

ko fafine mātutua ke vē ni mātua, ma fafine talavou ke vē ni tuafafine, ma tō loto mamā kātoatoa.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Petelu 1:12

Na fakailoa e te Atua ki nā pelofeta iēnei, ko te gāluega a ki lātou e mo koutou kae hē mo ki lātou lava. Na fakailoa atu e ki lātou nā mea kua koutou iloa i te taimi nei mai nā kavefekau na ki lātou folafolagia te Tala Lelei, e ala i te mana o te Agaga Paia na uga ifo mai te lagi. Ke pa lava ki nā agelu, e fia ki lātou iloa lele nā mea iēnei.

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Ioane 3:18

Taku fānau, ki tātou nahe alolofa i ni kupu ma ni tala, kae ia tātou gāluega e fai ma te alofa moni.